Lèsnan Importante pa Mucha

GLADYS ta traha na un skol na Mendoza, Argentina. Un dia el a kana pasa banda di un klas i a ripará ku un yùfrou di skol tabata lesa pa su alumnonan di klas kuater for di Mi Buki di Relato Bíbliko.a Gladys a introdusí su mes na e yùfrou komo un Testigu di Yehova i a ofresé pa mustr’é kon pa saka máksimo probecho for di e publikashon. Impreshoná ku loke Gladys a splik’é, e yùfrou kier a inkluí e buki den e material di lès ku nan ta usa. Sin embargo, e tabatin ku haña pèrmit di e direktiva di skol. Wèl, el a keda masha kontentu ora el a haña e pèrmit ei.

Mas despues, durante un aktividat di skol pa stimulá lesamentu di buki, e yùfrou a asigná su alumnonan pa lesa un kapítulo di e buki dilanti di nan kompañeronan di skol. Komo resultado di e bon reakshonnan na e aktividat aki, e yùfrou a haña un invitashon pa ta huéspet den un programa lokal di televishon. Ora nan tabata papia tokante komportashon di mucha di skol, e presentadó a puntr’é: “Kon bo ta logra mantené e muchanan den bo klas bou di kontròl?” E yùfrou a splik’é ku e tabata usa un publikashon ku e título Mi Buki di Relato Bíbliko. Mas aleu el a bisa ku ounke e no tabata duna lès tokante religion den klas, pa medio di e buki aki e tabata inkulká norma- i balornan manera rèspèt, toleransia, union, koperashon, obedensia i amor den e muchanan. Tur e partisipantenan a bai di akuerdo ku esakinan tabata lèsnan importante ku mucha mester siña.

Abo lo ke inkulká e norma- i balornan ei den bo yunan? Bo por pidi un Testigu di Yehova un ehemplar di e publikashon fasinante aki, Mi Buki di Relato Bíbliko.

[Nota]