E Nòmber di Dios den Músika Ruso

NA 1877, e famoso kompositor ruso Modest Mussorgsky a publiká un obra pa kor basá riba un suseso ku a tuma lugá den teranan bíbliko. El a skirbi un amigu di dje: “Mi a skirbi un esena bíbliko Jesus Navinus [Josué] kompletamente basá riba Beibel, siguiendo asta e ruta di Navinus su marchanan di viktoria dor di Kánaan.” Den otro komposishonnan, inkluso “E Destrukshon di Senakerib,” tambe Mussorgsky a hasi uso di tema- i personahenan di Beibel.

Ta notabel ku tantu den e obra “Jesus Navinus” komo e obra “E Destrukshon di Senakerib,” edishon di 1874, Mussorgsky ta referí na Dios, usando e pronunsiashon ruso di e nòmber divino, ku ta ser representá pa kuater konsonante—יהוה (YHWH)—i ku ta aparesé kasi 7.000 biaha den e Skritura Hebreo.

E obranan aki di Mussorgsky ta demostrá anto ku e nòmber bíbliko di Dios—Yehova—tabata konosí den e sosiedat ruso hopi tempu promé ku kuminsamentu di siglo 20. Esei no ta nada straño ya ku Yehova mes a bisa Moisés: “Esaki ta mi nòmber pa semper, i esaki ta mi nòmber konmemorativo di generashon pa generashon.”—Eksodo 3:15.

[Plachi na página 32]

Konservatorio di St. Petersburg na 1913, kaminda e partitura di Mussorgsky su obra musikal ta wardá

[Rekonosementu pa Potrèt na página 32]

Partitura: The Scientific Music Library of the Saint-Petersburg State Conservatory yamá asina na onor di N.A. Rimsky-Korsakov; esena riba kaya: National Library of Russia, St. Petersburg