Un Okashon Ku Bo No Mag di Pèrdè

Riba e anochi promé ku Hesus a entregá su bida komo sakrifisio, el a duna su fiel siguidónan e instrukshon pa rekordá, òf konmemorá, su sakrifisio. Usando e pan sin zürdeg i e biña kòrá ku tabatin nan dilanti, el a introdusí loke hende ta yama e Sena di Señor i a bisa: “Sigui hasi esaki na mi memoria.”—Lukas 22:19.

Tur aña, Testigunan di Yehova ta reuní rònt mundu pa konmemorá e morto di Hesus riba e fecha ku el a muri. E aña akí, e Konmemorashon ta kai riba djaluna 14 di aprel, despues ku solo baha.

Bo ta keda kordialmente invitá pa reuní huntu ku nos. Na e okashon ei lo bo haña mas informashon tokante e balor di Hesus su sakrifisio di reskate. Entrada ta kompletamente grátis i no ta pasa kolèkt. E persona ku a duna bo e revista akí por bisa bo e ora i e sitio kaminda lo tene e Konmemorashon den bo área, òf bo por bai na nos website jw.org pa bo haña sa e detayenan ei. Marka e fecha riba bo kalènder pa bo no pèrdè e okashon akí!