Anuncionan

◼ Oferta di literatura pa januari: Cualkier buki di 192 página publicá promé cu 1984 cu e congregacion por tin na stock. Februari: Revelacion—su gran culminacion ta cerca! Mart: E Secreto pa Felicidad den Famia. April: Abonament riba E Toren di Vigilancia i Spierta! Pa teritorionan cu ta ser cubrí cu frecuencia, por usa e foyeto nobo, Kico Dios Ta Rekerí di Nos?

◼ Tur publicador bautisá presente na e Reunion di Sirbishi dje siman di 6 di januari lo ricibí e karchi di Instruccion/Exoneracion Médico Delantá i e Karchi di Identificacion pa nan yunan.

◼ Cuminsando na februari, i no mas tardá cu 2 di mart, e discurso público nobo pa e superintendentenan di circuito lo ta “Usa Educacion pa Alabá Jehova.”

◼ Congregacionnan lo mester haci areglonan cumbiniente pa celebrá e Memorial e aña aki riba diadomingo, 23 di mart, despues cu solo baha. Aunke e discurso por cuminsá mas trempan, e pasamentu dje pan i biña di Memorial no mag cuminsá sino te despues cu solo baha. Consultá cu fuentenan local pa determiná ki ora solo ta baha den bo área. Ya cu ningun otro reunion cu excepcion di esnan pa sirbishi di veld tin cu ser tené riba e dia ei, lo mester haci ahustenan apropiado pa e Studio di Toren di Vigilancia ser conducí un otro dia. Superintendentenan di circuito lo tin cu ahustá nan orario di reunion pa e siman ei segun e circunstancianan local. Aunke ta deseabel pa cada congregacion tene su propio celebracion di Memorial, esaki tal bes no ta semper posibel. Caminda normalmente un cantidad di congregacion ta usa e mésun Salon di Reino, kisas un of mas congregacion por haci uso di un otro lugá p’e anochi ei. E Memorial no mester cuminsá asina lat cu personanan recien interesá ta hañ’é incumbiniente pa asistí. Tampoco e orario entre e reunionnan dje dos congregacionnan mester ta asina pertá cu no tin tempu promé of despues dje celebracion pa cumindá bishitantenan, pa haci areglo pa sigui duna yudansa spiritual na hende interesá, ni pa disfrutá di un intercambio general di estímulo. Despues di considerá tur factor cabalmente, e ancianonan mester dicidí cua areglonan lo contribuí mihó pa esnan cu asistí n’e Memorial beneficiá plenamente dje ocasion.

◼ E discurso público special pa e temporada di Memorial 1997 lo ser duná riba diadomingo, 6 di april. Lo percurá un boskeho. E congregacionnan cu tin e bishita dje superintendente di circuito, un asamblea di circuito of un dia special di asamblea e fin di siman ei lo tin e discurso special e siguiente siman. Ningun congregacion mester tene e discurso special promé cu 6 di april.

◼ E cuerpo di anciano mester ta conciente cu e siguiente ahustenan ta necesario ora e congregacion ta asistí na asambleanan local: Ora tin un dia special di asamblea programá, e congregacion mester tene tur e reunionnan normal henter e siman ei, solamente e Reunion Público i e Studio di Toren di Vigilancia ta ser cancelá. Ora ta programá pa asistí na un asamblea di circuito, e congregacion lo cancelá tambe e Scol di Ministerio Teocrático i e Reunion di Sirbishi; lo tene solamente e Studio di Buki di Congregacion localmente durante e siman ei.