Repaso di Scol di Ministerio Teocratico
Repaso cu buki cerá riba e material cu a ser tratá den asignacionnan den e Scol di Ministerio Teocrático p’e simannan di 5 di mei te cu 18 di augustus, 1997. Usa un blachi separá pa skirbi contesta di mas tantu pregunta posibel den e tempu asigná.
[Nota: Durante e repaso skirbí, por usa solamente e Bijbel pa contestá cualkier pregunta. E referencianan cu ta sigui e preguntanan ta pa bo investigacion personal. Number di página i paragraf kisas no ta aparecé na tur referencia di E Toren di Vigilancia.]
Contestá cada un dje siguiente declaracionnan cu Cierto of Falsu:
1. Jesus su compasion, describí na Marco 1:41, ta pinta un cuadro conmovedor di Jehova su interes profundo den hende. [Lesamentu semanal di Bijbel; mira w96-PA 1/3 pág. 5.] Cierto. (Mira Juan 5:19.)
2. Rasgonan dje último dianan ta ser hañá solamente na Mateo 24, Marco 13 i Lucas 21. [kl-PA pág. 102 cuadro] Falsu. Tin mas rasgo registrá na 2 Pedro 3, 2 Timoteo 3 i Revelacion 6 i 11.
3. Juan Bautista su pregunta hañá na Lucas 7:19 ta revelá cu el a falta fe. [Lesamentu semanal di Bijbel; mira w87-S 1/1 pág. 16.] Falsu. Tal bes Juan simplemente tabata kier pa Jesus verificá cu E tabata e Mesías; tambe, evidentemente Juan kier a sa si un otro persona tabatin cu bin pa completá cumplimentu di tur loke a ser profetisá cu e Mesías lo a realisá.
4. Na Jesus su último pascu hudiu huntu cu su disipelnan, ta Pedro so a bis’é: “Lo mi no nengá bo di ningun manera.” [Lesamentu semanal di Bijbel] Falsu. Segun Mateo 26:35, tur e otro disipelnan tambe a bisa mescos.
5. No tin evidencia bíblico cu ta indicá cu apostel Pedro tabata un homber casá. [Lesamentu semanal di Bijbel] Falsu. Lucas 4:38 ta indicá cu Pedro tabata casá.
6. E Reino cu Jesus a predicá di dje ta subsidiario, of secundario, na e soberania universal di Dios. [kl-PA pág. 91 §4] Cierto.
7. Probablemente Marco a skirbi su Evangelio principalmente pa e hudiunan. [si-S pág. 182 §8] Falsu. Evidentemente e tabata skirbí principalmente pa e romanonan; Mateo a skirbi principalmente pa e hudiunan.
8. Ora Jesus a bisa e fariseonan cu e Reino di Dios tabata meimei di nan, e tabata refiriendo na su mes como e futuro Rey. (Luc. 17:21) [kl-PA pág. 91 §6] Cierto.
9. No tin un splicacion razonabel pakico e buki di Lucas ta contené un vocabulario mas extenso cu e otro tres Evangelionan huntu. [si-S pág. 187 §2] Falsu. Siendo cu Lucas tabata un homber bon educá i un dokter, no ta un sorpresa cu e vocabulario di su Evangelio ta extenso.
10. Bijbel no ta mencioná e cualidadnan cu e multitud grandi tin cu manifestá afin di sobrebibí Armagedon. [uw-PA pág. 105 §5] Falsu. Bijbel ta haci hopi mencion profético di rasgonan cu e multitud tin cu desplegá afin di ser salbá.
Contestá e siguiente preguntanan:
11. Ki ora cu un pasashi di Bijbel por ser traducí gramaticalmente den mas cu un manera, ki principio guiador e traductor mester sigui? [rs-S pág. 408 §5 (rs-E pág. 416 §1)] E traduccion corecto mester ta na armonia cu e resto di Bijbel. (Substancia ta suficiente)
12. Kico ta stroba algun hende pa aceptá conseho? [uw-PA pág. 127 §4] Orguyo, idea muchu halsá di nan mes. (Substancia ta suficiente)
13. Den ki posicion creencia den Trinidad ta pone esnan cu ta tene duru na dje? [rs-S pág. 417 §3 (rs-E pág. 424 §3)] E ta pone nan den un posicion masha peligroso pasobra e doctrina di Trinidad no ta na armonia cu berdad bíblico. E ta basá riba tradicion, i Jesus a bisa cu adoracion basá riba tradicion ta en bano. (Substancia ta suficiente)
14. Kico Jesus tabata kier men ora el a bisa: “Tene salu den boso, i mantené pas un cu otro”? (Mar. 9:50) [Lesamentu semanal di Bijbel; mira w85-S 15/5 pág. 24 §12.] Si nos actua bondadosamente dor di demostrá tacto i consideracion esei lo promové relacionnan pacífico cu compañeronan cristian. (Substancia ta suficiente)
15. Ki les balioso nos por siña for di Jesus su reaccion n’e contribucion dje biuda pober? (Mar. 12:42-44) [Lesamentu semanal di Bijbel; mira w87-S 1/12 pág. 29 §7–pág. 30 §1.] Aunke nos tur tin e privilegio di apoyá adoracion berdadero mediante nos contribucionnan material, loke ta berdaderamente precioso den bista di Dios, no ta di duna loke nos, di tur manera, no tin mester di dje, sino duna loke ta balioso pa nos. (Substancia ta suficiente)
16. Con algun dje característicanan di Pedro ta ser hañá den e estilo di skirbi di Marco, i kico por ta e motibu di esaki? [si-S pág. 182 §5-6] Marco su estilo ta impulsivo, vigoroso, vital i descriptivo. Probablemente el a haña sa hopi di loke el a registrá for di Pedro, un homber di emocionnan profundo, kende tabata un testigo ocular dje bida i ministerio di Jesucristo.
17. Ora nos compará Mateo 6:9, 10 cu Lucas 11:2-4, pakico nos por concluí cu no tabata e intencion p’e oracion modelo ser ripití palabra pa palabra? [Lesamentu semanal di Bijbel; mira w90-S 15/5 pág. 16 §6.] E palabranan dje relato di Mateo ta diferenciá un poco for di esnan di Lucas. A base di esaki nos por concluí cu no tabata Jesus su intencion p’e oracion ser ripití palabra pa palabra. El a siña su siguidónan con pa haci oracion, no kico precis pa bisa. (Substancia ta suficiente)
18. Den ki manera nos confiansa cu Bijbel ta fidedigno ta ser fortalecé ora nos lesa textonan manera Lucas 3:1, 2? [si-S pág. 188 §7] Contrario na mito i leyendanan, cuanan ta pone sucesonan den un periodo di tempu i lugá indefiní, Bijbel ta indicá precis e tempu i lugá cu sucesonan importante a tuma lugá. (Substancia ta suficiente)
19. Cua textonan na Salmo i Hebreonan ta mustra cu Jesus no a cuminsá goberná inmediatamente despues di a subi na shelu? [kl-PA pág. 96 §15] Salmo 110:1; Hebreonan 10:12, 13.
20. Siendo cu nos sa cu Jesus nunca a falta fe den Dios, pakico el a sclama: “Mi Dios, mi Dios, pakico bo a bandoná mi?” (Mar. 15:34) [Lesamentu semanal di Bijbel; mira w87-S 15/6 pág. 31.] Jesus lo por a usa e palabranan aki den e sentido cu Jehova a kita su proteccion for di Jesus di manera cu e integridad di Su Yu lo a ser probá te na e límite; tambe, Jesus a bisa e palabranan aki cumpliendo cu un profecia tocante e Mesías registrá na Salmo 22:7, 8. (Un di nan dos; substancia ta suficiente)
Yena e palabra(nan) of frase necesario pa completá cada un dje siguiente declaracionnan:
21. E pan i biña usá na e celebracion di Memorial ta meramente emblenanan, di cua e pan ta representá Jesus su curpa literal i e biña ta representá su sanger literal. [uw-PA pág. 115 §13]
22. Ora nos tuma na cuenta loke realmente a sosodé, ta parce evidente cu e yamada celestial en general a ser completá rond di aña 1935, ora e speransa terenal dje multitud grandi a ser dicerní claramente. [uw-PA pág. 111 §6]
23. Ora Juan Bautista a cuminsá predicá, e gobernadó di Hudea tabata Poncio Pilato i e gobernante dje distrito di Galilea tabata Herodes. [Lesamentu semanal di Bijbel; mira Lucas 3:1.]
24. E spiritu cu ta duna testimonio huntu cu e forsa motivador dje mente i curason di esnan cu berdaderamente ta yunan di Dios ta Dios su forsa activo invisibel. [uw-PA pág. 113 §9]
25. Manera ta ser indicá na Lucas 10:16, ora nos ta aceptá cu aprecio e percuracionnan spiritual cu ta bini mediante e clase di esclabo i su Cuerpo Gobernante, nos ta mustrando respet pa Jesus. [uw-PA pág. 123 §13]
Scoge e contesta corecto den cada un dje siguiente declaracionnan:
26. E santunan na cua Mateo 27:52 a referí, (a ser resucitá temporalmente den carni; en realidad tabata curpanan sin bida cu a ser sacá for di nan graf dor dje temblor; a ser lantá pa bida celestial promé cu Jesus). [Lesamentu semanal di Bijbel; mira w90-S 1/9 pág. 7.]
27. Na Colosensenan 1:15, Jesus ta ser yamá “e primogénito di tur creacion,” locual ta nificá cu e ta (manera Dios i sin principio; e primogénito dje yunan di Dios riba tera; e yu mayó dje famia di yunan di Dios). [rs-S pág. 400 §6 (rs-E pág. 408 §1)]
28. E nombramentu dje “esclabo fiel i discreto” a keda confirmá dor di spiritu santu na aña (33 E.C.; 1918; 1919). (Mat. 24:45) [uw-PA pág. 119 §6]
29. Un regla cu tur cristian mester sigui, pero specialmente esnan den posicion di supervision den Dios su organisacion, ta: “Esun cu comport’é como (un orguyoso; un importante; un menor) den boso tur ta esun cu ta grandi.” (Luc. 9:48) [uw-PA pág. 122 §12]
30. Manera ta registrá na (Mateo 10; Mateo 24; Lucas 21), Jesus a duna instruccionnan specífico pa sirbishi na esnan cu el a manda bai predicá. [si-S pág. 180 §31]
Cuadra e siguiente textonan bíblico cu e declaracionnan aki bou:
Pro. 4:13; Dan. 7:9, 10, 13, 14; Mar. 7:20-23; 13:10; Luc. 8:31
31. Nos mester ta alerto pa identificá cualkier influencia malbado of corupto cu por drenta nos mente i curason i mester elimin’é promé cu e saca rais. [Mar. 7:20-23] [Lesamentu semanal di Bijbel; mira w89-S 1/11 pág. 14 §16.]
32. E demoñonan lo bai huntu cu Satanas den inactividad parecido na morto durante “e mil aña.” (Rev. 20:3) [Luc. 8:31] [Lesamentu semanal di Bijbel]
33. Un spiritu di urgencia ta necesario pa por logra haci e trabou di testificacion mundial den un tempu limitá. [Mar. 13:10] [Lesamentu semanal di Bijbel; mira w95-PA 1/10 pág. 27.]
34. Aceptando conseho por protehá un persona di bisa i haci cosnan cu lo por duel e despues. [Pro. 4:13] [uw-PA pág. 128 §6]
35. Aunke nos no por mira criaturanan spiritual, e Palabra di Jehova ta duna nos bistasonan di su organisacion celestial invisibel i di algun di su actividadnan cu ta afectá adoradónan di Jehova riba tera. [Dan. 7:9, 10, 13, 14] [uw-PA pág. 117 §1]