Anuncionan

◼ Oferta di literatura pa februari: E Secreto pa Felicidad den Famia. Mart: Conocimentu cu Ta Hiba na Bida Eterno. Lo haci un esfuerso special pa cuminsá studionan di Bijbel na cas. April cu mei: Ehemplar los di E Toren di Vigilancia i Spierta! Soru pa bo tin foyeto Rekerí disponibel pa hende interesá, i haci esfuerso pa cuminsá studio di Bijbel na cas.

◼ E secretario i e superintendente di sirbishi mester repasá e actividad di tur pionero regular. Si cualkier un di nan tin dificultad pa alcansá e rekisito di ora, e ancianonan mester haci areglo pa duna yudansa. Pa haña sugerencia, repasá e cartanan anual di Sociedad S-201-PA, fechá 1 di october. Mira tambe §12-20 dje suplemento di Nos Ministerio di Reino [na spañó] di augustus 1986.

◼ Diasabra, 13 di mei 2000, e facilidadnan di Sociedad na Kòrsou i tambe na Brooklyn, Patterson i Wallkill, New York, lo ta cerá pa limpiesa general. Riba e dia ei, lo no tin areglo pa haci tour of pa congregacionnan recogé literatura.

◼ Recientemente a producí un publicacion nobo na papiamento so pa usa den e Scol di Ministerio Teocrático. E ta titulá Con pa Mehorá Bo Abilidad di Papia i Siña (ht-PA). E foyeto aki di 96 página lo remplasá e buki Guia pa Scol di Ministerio Teocrático (na spañó) asina cu boso congregacion ricibié. E superintendente di Scol di Ministerio Teocrático lo ripará cu awor tin cu usa formularionan nobo pa e Scol di Ministerio Teocrático. A producí papel di Conseho pa Discurso (S-48-PA) i papel di Asignacion pa e Scol di Ministerio Teocrático (S-89-PA) nobo cu otro number pa e puntonan di conseho. Segun ta necesario mester haci pedido pa e publicacion nobo aki i e formularionan nobo riba e Pedido di Literatura mensual.

◼ Tin biaha Sociedad ta paga un persona cu chek, i e persona ei ta dicidí di no cobra e chek, pensando cu Sociedad lo mir’é como un donacion na e obra mundial. Si un persona kier duna e montante riba e chek como donacion, e mester manda e chek bek pa Sociedad huntu cu un carta breve cu ta bisa cu mester consider’é como donacion.

◼ Cuminsando e siman di 17 di april 2000, nos lo studia e buki Presta Atencion na e Profecia di Daniel! na Studio di Buki di Congregacion.