Caha Di Pregunta

◼ Ta apropiado pa bati man ora anunciá cu un persona a ser restorá?

Jehova Dios, den su bondad amoroso, a percurá un caminda bíblico pa malechornan repentí recobrá su fabor i ser restorá den e congregacion cristian. (Sal. 51:12, 17) Ora esaki tuma lugá, Bijbel ta animá nos pa confirmá nos amor p’e personanan ei cu a repentí sinceramente.—2 Cor. 2:6-8.

Tog, pa contentu cu nos ta ora un famia of conocí ser restorá, mester prevalecé un dignidad trankil na momento cu anunciá den congregacion cu e persona a ser restorá. E Toren di Vigilancia di 1 di october 1998, página 17, a expresá e asuntu asina aki: “Pero, nos tin cu corda cu mayoria persona den e congregacion no ta na haltura dje circunstancianan particular cu a hiba na expulsion dje persona of na su restoracion. Ademas, por tin algun cu a ser afectá of perhudicá personalmente—tal bes asta riba término largu—dor dje malecho di e persona repentí. Dor cu nos ta conciente di cosnan asina, ta di comprendé cu ora un anuncio di restoracion ser hací, nos lo wanta nos expresionnan di bon biní te ora nos por haci esei riba un base personal.”

Aunke nos ta masha contentu di mira un persona bolbe n’e berdad, lo no ta apropiado pa bati man na momento cu anunciá cu el a ser restorá.