Repaso di Scol di Ministerio Teocrático
Repaso cu buki cerá basá riba e material cu a ser tratá den asignacionnan den e Scol di Ministerio Teocrático p’e simannan di 4 di september te cu 18 di december 2000. Usa un blachi separá pa skirbi contesta di mas tantu pregunta posibel den e tempu asigná.
[Nota: Durante e repaso skirbí, por usa solamente Bijbel pa contestá cualkier pregunta. E referencianan cu ta sigui e preguntanan ta pa bo investigacion personal. Number di página i paragraf kisas no ta aparecé na tur referencia di E Toren di Vigilancia.]
Contestá cada un dje siguiente declaracionnan cu Cierto of Falsu:
1. David no a laga Abisai mata Simei pasobra David tabata culpabel di loke Simei tabata acus’é. (2 Sam. 16:5-13) [2, Lesamentu semanal di Bijbel; mira w99-PA 1/5 pág. 32 §3.] Falsu. David no tabata culpabel di Simei su acusacionnan i a resistí humildemente e tentacion pa tuma represaya. Mas bien, el a laga e asuntu den man di Jehova.
2. Un concenshi limpi i bon entrená no solamente ta hiba na un relacion personal i caluroso cu Dios, sino tambe ta esencial pa nos salbacion. (Heb. 10:22; 1 Ped. 1:15, 16) [3, w98-PA 1/9 pág. 4 §4] Cierto.
3. E relato di 1 Reynan tin meramente un balor histórico pa un cristian pasobra solamente 2 dje 14 reynan cu a goberná na Israel i Huda despues di e morto di Sálomon a logra haci loke ta bon den bista di Jehova. [5, si-S pág. 64 §1] Falsu. E registro di 1 Reynan tin amonestacion, profecia i modelonan den dje cu ta ‘inspirá i probechoso,’ i ta relacioná directamente cu e tema di Reino cu ta dominá “tur Scritura.” (2 Tim. 3:16, 17)
4. Por compará Jesus su Reinado di Mil Aña cu Sálomon su gobernacion pacífico i próspero di 40 aña. (1 Rey. 4:24, 25, 29) [6, Lesamentu semanal di Bijbel; mira w90-S 1/6 pág. 6 §5.] Cierto.
5. E echo cu Abías a haña un entiero decente ta duna evidencia bon cla cu e tabata un fiel adoradó di Jehova, e único dje cas di Jeroboam. (1 Rey. 14:10, 13) [9, Lesamentu semanal di Bijbel; mira w95-PA 1/4 pág. 12 §11.] Falsu. Tog el a muri como parti di Jeróboam su famia malbado, pero Jehova a duna balor n’e “algu bon” cu el a mira den Abías i a actua di acuerdo cu esei.
6. Bautismo cristian ta indicá cu un persona a bira un sirbidó maduro di Dios. [10, w98-PA 1/10 pág. 28 §2] Falsu. Bautismo ta marca solamente e comienso di un persona su bida como cristian; un cristian bautisá mester “sigui padilanti na madures” birando “un homber maduro,” dor di aumentá den conocimentu exacto. (Heb. 6:1; Efe. 4:13)
7. Jehova a duna Elías curashi sobrehumano i a proteh’é di miedu. (1 Rey. 18:17, 18, 21, 40, 46) [11, Lesamentu semanal di Bijbel; mira w98-PA 1/1 pág. 31 §2.] Falsu. Elías tabata “un homber cu sintimentu mescos cu di nos” i a experenciá temor i ansiedad. (Sant. 5:17; 1 Rey. 19:4)
8. E structura dje tempel di Sálomon ta remarcabel no solamente pa motibu di su gloria i splendor material, sino pa motibu di loke e ta representá, esta, Jehova su tempel spiritual cu ta hopi mas glorioso. [12, si-S pág. 69 §26] Cierto.
9. E cieguedad cu a bini riba e forsa militar di Siria riba peticion di Eliseo evidentemente tabata cieguedad mental, ya cu nan por a mira Eliseo pero no por a reconocé ken e tabata. (2 Rey. 6:18, 19) [14, Lesamentu semanal di Bijbel; mira si-S pág. 70-1 §10.] Cierto.
10. Bisti “e Testimonio,” mencioná na 2 Reynan 11:12, tabata un gesto simbólico cu a ilustrá cu e rey su interpretacion dje Ley di Dios tabata decisivo i cu mester a obedec’é. [16, Lesamentu semanal di Bijbel; mira w91-S 1/2 pág. 31 §6.] Falsu. Ya cu e rey tabatin cu studia i aplicá Dios su Ley henter su bida largu, esaki por a ilustrá cu ni sikiera e rey tabata riba Jehova su Ley, of Testimonio. (Deu. 17:18-20)
Contestá e siguiente preguntanan:
11. Di acuerdo cu 1 Juan 2:15-17, kico mayornan deboto na Dios mester urgi nan yunan evitá ora nan ta guia nan pa scoge un trabou seglar apropiado? [1, w98-PA 15/7 pág. 5 §3] Mayornan mester urgi nan yunan pa no trata na alcansá reconocimentu i prosperidad den e ‘mundu cu ta pasa bai.’
12. Kico 2 Samuel 18:8 kier men ora e ta bisa cu “e mondi a come mas hende cu e spada”? [2, Lesamentu semanal di Bijbel; mira w87-S 15/3 pag. 31 §2.] Probablemente, esaki ta referí na Absalom su hombernan derotá, cu a hui den pánico dor di e mondi yen di baranca, cayendo podisé den abismo scondí i kedando pegá den e mondi cerá. (2 Sam. 18:9)
13. Ken awe por ser compará cu e famianan di Góliat, e refaim, i kico nan ta purba haci? (2 Sam. 21:15-22) [3, Lesamentu semanal di Bijbel; mira w89-S 1/1 pág. 20 §8.] Por compará e guereronan político di Satanas su mundu cu e refaim. Mediante gobernacion dictatorial, nan ta desafiá Jehova i ta purba intimidá su testigonan pa ta sumiso na nan. (Idea principal ta suficiente)
14. Ki principio bíblico beneficioso nos ta siña for di 2 Samuel 6:6 i 7? [4, si-S pág. 63 §30] Bon intencion no ta cambia Dios su rekisitonan.
15. Ki principio importante nos por siña for dje incidente cu e homber cu a ser matá pa motibu cu el a violá sabat? (Núm. 15:35) [6, w98-PA 1/9 pág. 20 §2] Un cristian mester pone su prioridadnan manera mester ta i mantené su adoracion na Jehova na promé lugá.
16. Con nos por imitá e reina di Saba, cu a biaha un distancia largu pa tende “e sabiduria di Sálomon”? (1 Rey. 10:1-9) [8, Lesamentu semanal di Bijbel; mira w99-PA 1/7 pág. 31 §1-2.] Dor di considerá atentamente e ehempel i actitud mental di Sálomon Mayor, Jesus, i dor di sigui su mandamentu di haci disipel. (Mat. 12:42)
17. Segun 1 Reynan 17:3, 4, 7-9, 17-24, den cua tres manera Elías a mustra fe den Jehova? [10, Lesamentu semanal di Bijbel; mira w92-S 1/4 pág. 19 §5.] Elías a demostrá fe den Jehova dor di dependé riba Dje pa proveé su necesidadnan di bida, dor di sigui Su direccion, i dor di dependé riba Dje pa santificá Su nomber.
18. Di con e echo cu Nabot a nenga di entregá su cunucu di wijndruif na Acab no tabata djis un refleho di terkedad di su parti? (1 Rey. 21:2, 3) [12, Lesamentu semanal di Bijbel; mira w97-PA 1/8 pág. 13 §18.] Nabot tabata leal na Dios i a obedecé loke tabatin stipulá den e Ley di Moises, esta, cu no tabatin mag di bende ningun posesion hereditario di un israelita permanentemente. (Lev. 25:23-28)
19. Con e palabranan na 2 Reynan 6:16 a yuda encurashá Jehova su sirbidónan djawe? [14, Lesamentu semanal di Bijbel; mira w98-PA 15/6 pág. 18 §5.] Nan a fortalecé Dios su sirbidónan pa sigui duna testimonio apesar di intentonan pa silenciá nan mediante menasa, intimidacion, violencia físico, prizon, camponan di concentracion i asta morto.
20. Den ki maneranan cristiannan berdadero djawe mester vigilá contra simonia? [14, w98-PA 15/11 pág. 28 §5] Cristiannan mester tene cuidou pa no busca privilegionan adicional dor di inundá esnan cu por duna nan esakinan cu elogio of cu regalo generoso. I vise versa, esnan cu por duna e privilegionan ei tin cu evitá di mustra faboritismo na esnan cu tin e moda—i cu hopi bes ta ansioso—pa inundá nan cu regalo.
Yena e palabra(nan) of frase necesario pa completá cada un dje siguiente declaracionnan:
21. Un cristian berdadero no mester sucumbí na temor di hende i participá den custumbernan cu ta desagradá Dios. (Pro. 29:25; Mat. 10:28) [2, w98-PA 15/7 pág. 20 §5]
22. Ora Pablo a duna testimonio dilanti rey Agripa, el a usa discrecion, enfatisando puntonan cu e i Agripa tabatin en comun. (Echo. 26:2, 3, 26, 27) [7, w98-PA 1/9 pág. 31 §3]
23. Pa motibu cu Dios ta invisibel, algun hende por sinti cu e ta impersonal, pero periodonan frecuente i intensivo di studio di Bijbel lo yuda un persona “mira Esun cu ta invisibel.” (Heb. 11:27) [9, w98-PA 15/9 pág. 21 §3-4]
24. Manera e caso di e general di Siria Naman a mustra, tin bes nos ta saca hopi beneficio for di djis un tiki humildad. [14, Lesamentu semanal di Bijbel; mira w99-PA 1/2 pág. 3 §6–pág. 4 §1.]
25. Mescos cu Jehónadab su curason tabata cu rey Jehú, e multitud grandi awe di henter nan curason ta reconocé i ta cooperá cu Jehú Mayor, Jesucristo, representá riba tera dor di cristiannan ungí. (2 Rey. 10:15, 16) [16, Lesamentu semanal di Bijbel; mira w98-PA 1/1 pág. 13 §5-6.]
Scoge e contesta corecto den cada un dje siguiente declaracionnan:
26. Tabata (Satanas; Jehova; Joab) cu a incitá David pa peca dor di “tene un conteo di Israel.” (2 Sam. 24:1) [4, Lesamentu semanal di Bijbel; mira w92-S 15/7 pág. 5 §2.]
27. Di acuerdo cu 1 Reynan 8:1 i Eclesiástes 1:1, Sálomon a congregá hende pa (traha e tempel; persiguí e enemigunan di Israel; adorá Jehova). [7, Lesamentu semanal di Bijbel; mira si-S pág. 112 §3.]
28. E periodo di 20 aña durante cua Sálomon a traha e tempel i su cas na Jerusalem, ta comparabel cu e periodo di ahustamentu doctrinal i organisacional cu a cuminsá na (1919; 1923; 1931) i cu a terminá na (1938; 1942; 1950). (1 Rey. 9:10) [8, Lesamentu semanal di Bijbel; mira w92-S 1/3 pág. 20 cuadro.]
29. E término “shelu” na 2 Reynan 2:11 ta referí na e (habitacion spiritual di Dios; universo físico; atmósfera di tera, unda para ta bula i bientu ta supla). [13, Lesamentu semanal di Bijbel; mira w97-PA 15/9 pág. 15 cuadro.]
30. (Herodes e Grandi; César Augusto; Tiberio César) tabata esun cu a ordená e censo cu a pone cu Jesus a nace na Betlehem en bes di na Názaret. [16, w98-PA 15/12 pág. 7 cuadro]
Cuadra e siguiente textonan bíblico cu e declaracionnan aki bou:
Sal. 15:4; 2 Sam. 12:28; 2 Sam. 15:18-22; 2 Rey. 3:11; Col. 3:13
31. Mester respetá hefatura den Jehova su areglo teocrático. [2 Sam. 12:28] [4, si-S pág. 63 §30]
32. Mester mantené lealtad na Jehova su organisacion i na esnan cu ta represent’é. [2 Sam. 15:18-22] [4, si-S pág. 63 §30]
33. Aprecio pa Jehova su misericordia por motivá nos pa ehercé dominio propio i pasa por haltu di imperfeccion. [Col. 3:13] [11, w98-PA 1/11 pág. 6 §3]
34. Ta un privilegio pa mustra hospitalidad i sirbi Jehova su sirbidónan fiel humildemente den sirbishi special. [2 Rey. 3:11] [13, Lesamentu semanal di Bijbel; mira w97-PA 1/11 pág. 31 §1.]
35. Un persona temeroso di Dios ta haci su best pa cumpli cu su palabra di paga su debenan, asta si circunstancianan imprevisto haci esei mas difícil cu el a spera. [Sal. 15:4] [15, w98-PA 15/11 pág. 27 §1]