Repaso di Scol di Ministerio Teocrático
Repaso cu buki cerá basá riba e material cu a ser tratá den asignacionnan den e Scol di Ministerio Teocrático p’e simannan di 7 di mei te cu 20 di augustus 2001. Usa un blachi separá pa skirbi contesta di mas tantu pregunta posibel den e tempu asigná.
[Nota: Durante e repaso skirbí, por usa solamente Bijbel pa contestá cualkier pregunta. E referencianan cu ta sigui e preguntanan ta pa bo investigacion personal. Number di página i paragraf kisas no ta aparecé na tur referencia di E Toren di Vigilancia.]
Contestá cada un dje siguiente declaracionnan cu Cierto of Falsu:
1. E oracion cu Nehemías 2:4 ta mencioná tabata un oracion di desesperacion, hací na último momento. [1, Lesamentu semanal di Bijbel; mira w86-S 15/2 pág. 25 §8.] Falsu. Pa basta tempu e condicion tur destruí di Jerusalem tabata e tópico di Nehemías su oracionnan di “dia i anochi” (1:4, 6); ora Nehemías a haña un oportunidad special, el a bolbe haci oracion, manera el a haci hopi bes caba.
2. E palabra “congregacion” ta traducí for dje palabra griego ek·kle·sí·a, i e término ei ta duna e idea di solidaridad i apoyo mutuo. [2, w99-PA 15/5 pág. 25 §4] Cierto.
3. Maske ta asina cu sirbidónan di Jehova ta evitá custumbernan cu tin di haber cu morto cu ta na conflicto cu e Palabra di Dios, nan no ta rechasá tur custumber cu tin di haber cu morto. (Juan 19:40) [7, rs-S pág. 249 (rs-E pág. 102) §4] Cierto.
4. Durante e periodo cu Job a biba, e tabata e único hende fiel na Jehova. (Job 1:8) [6, Lesamentu semanal di Bijbel; mira w92-S 1/8 pág. 31 §3-4.] Falsu. Aunke no tabatin niun hende cu a destacá mas cu Job como un homber recto, Elihú, kende a corigí Job, a engrandecé e Dios berdadero i Dios a consider’é fiel; podisé tabatin otro hende cu tambe tabata fiel.
5. E echo cu Saulo, esta Pablo, a mantené su mes cu trahamentu di tent ta mustra cu el a bini di famia humilde. (Echo. 18:2, 3) [7, w99-PA 15/5 pág. 30 §2–pág. 31 §1] Falsu. Pablo tabatin ciudadania romano, el a usa griego di nivel haltu den su skirbimentu, i el a ser educá na pia dje maestro altamente respetá Gamaliel. (Echo. 22:3, 27)
6. Aunke David a cometé picá serio, Jehova por a bisa cu el “a sigui mi cu tur su curason” debí na David su actitud arepentí i su bon cualidadnan. (1 Rey. 14:8) [9, w99-PA 15/6 pág. 11 §4] Cierto.
7. A ménos cu loke nos a primintí no ta na armonia cu e Scritura, nos tin cu haci tur loke nos por pa cumpli cu nos promesanan, asta si despues nos ripará cu ta difícil pa cumpli cu nan. (Sal. 15:4) [13, Lesamentu semanal di Bijbel; mira w89-S 15/9 pág. 28 §5.] Cierto.
8. Salmo 22:1 ta indicá cu bou di preshon, David a perde su fe temporalmente. [14, Lesamentu semanal di Bijbel; mira w86-S 15/8 pág. 20 §19.] Falsu. David su reaccion humano ora e tabata den pertá no a reflehá falta di fe, pasobra el a sigui resa cu confiansa pa su liberacion. (Sal. 22:16-19)
9. Un cristian por “cai” pa loke ta frustracion, decepcion i contratempunan legal of financiero, pero cu yudansa dje spiritu di Dios i Su adoradónan amoroso, lo e no ser “tirá abou” completamente. (Sal. 37:23, 24) [16, Lesamentu semanal di Bijbel; mira w86-S 1/11 pág. 30 §14.] Cierto.
10. Génesis capítulo 1 ta siña cu Dios a crea tur cos riba e tera aki den seis dia di 24 ora. [16, rs-S pág. 153 §3 (rs-E pág. 126 §1)] Falsu. E relato bíblico no ta bisa cu esakinan tabata dia di 24 ora; hopi bes Bijbel ta usa e palabra “dia” pa describí un periodo extenso di tempu. (2 Ped. 3:8)
Contestá e siguiente preguntanan:
11. Con Ésdras i su yudantenan a ‘pone nificacion’ n’e Ley? (Neh. 8:8) [2, Lesamentu semanal di Bijbel; mira w86-S 15/2 pág. 26 §4.] Fuera di lesa cu énfasis i usa bon pronunciacion, Ésdras i su yudantenan a splica e Ley i a aplicá su principionan di tal manera cu e pueblo lo por a comprend’é mihó.
12. Di kico “e goso di Jehova” ta bini? (Neh. 8:10) [2, Lesamentu semanal di Bijbel; mira w86-S 15/2 pág. 26 §9.] Manera e contexto ta indicá, “e goso di Jehova” ta bini di adkerí un comprendimentu penetrante dje Palabra di Dios, haci aplicacion personal i respondé na guia teocrático.
13. Di con esnan “cu a ofrecé nan mes boluntariamente pa biba den Jerusalem” a ser bendicioná? (Neh. 11:2) [3, Lesamentu semanal di Bijbel; mira w86-S 15/2 pág. 26 §12.] E echo cu nan a bandoná nan posesionnan hereditario i a muda bai biba den Jerusalem a resultá den algun gastu i desbentaha; tambe esnan cu a biba den e stad ei kisas a keda exponé na vários peliger; esei tabata un sacrificio encomendabel pa cua nan a ser bendicioná.
14. Di con Ester a tarda pa informá rey di su intencion specífico? (Ester 5:6-8) [5, Lesamentu semanal di Bijbel; mira w86-S 15/3 pág. 24 §18.] No tabata pa falta di curashi, pasobra ya caba el a risca su bida ora el a bai cerca rey; probablemente e kier tabatin rey su bon boluntad promé; tambe guia divino tabata enbolbí, ya cu e periodo entremedio ei a permití cierto desaroyonan tuma lugá. (Idea principal ta suficiente)
15. Cua dos pregunta importante ta ser contestá den e buki di Job? [6, si-S pág. 95 §1] E buki aki ta contestá e preguntanan: Di con hende inocente ta sufri? Di con Dios ta permití maldad riba tera?
16. Di con e conseho di Elifas a desanimá Job i no a anim’é? (Job 21:34; 22:2, 3) [9, Lesamentu semanal di Bijbel; mira w95-PA 15/2 pág. 27 §5-6.] Pasobra e conseho tabata basá riba ideanan personal i no riba sabiduria divino; e no tabata berdad i tabata basá riba suposicionnan incorecto.
17. Kico ta un salmo? [12, si-S pág. 101 §2] Un salmo ta un cantica of poema sagrado usá den alabansa i adoracion di Dios.
18. Ki “cos bano” e nacionnan ta sigui ‘papia den djente’ manera ta pará skirbí na Salmo 2:1? [12, Lesamentu semanal di Bijbel; mira w86-S 15/8 pág. 20 §5.] Desde 1914 e nacionnan ta sigui ‘papia den djente’ tocante (of, ta meditá riba) e continuacion di nan propio autoridad i soberania en bes di aceptá Jesucristo como Jehova su Rey ungí.
19. Ki les práctico tocante imparcialidad nos por siña di Felipe su ministerio relacioná cu e samaritanonan i e funcionario etiopio? (Echo. 8:6-13, 26-39) [15, w99-PA 15/7 pág. 25 §2] Nunca nos no mester asumí cu personanan di cierto nacionalidad, rasa of státus social lo no ta interesá den e bon nobo; nos mester declará e mensahe di Reino na “tur clase di hende.” (1 Cor. 9:19-23)
20. Con Job a ilustrá su conviccion cu Dios lo resucit’é for di graf, e sitio cu el a considerá como un lugá di sconde for di su problemanan? (Job 14:7, 13-15) [7, Lesamentu semanal di Bijbel; mira w00-PA 15/5 pág. 27 §7–pág. 28 §1.] Job a papia di un palu (podisé un palu di olijfi) cu hende por kap of cu ta seca debí na secura prolongá i cu despues ta bolbe spruit.
Yena e palabra(nan) of frase necesario pa completá cada un dje siguiente declaracionnan:
21. Ester 8:17 ta bisa cu e hendenan tabata “declará nan mes hudiu”; di igual manera awe, “un multitud grandi” di “otro carné” a tuma nan posicion na banda dje resto ungí. (Rev. 7:9; Juan 10:16; Zac. 8:23) [5, Lesamentu semanal di Bijbel; mira w86-S 15/3 pág. 25 §14.]
22. Manera Echonan 1:7 ta indicá, maske Jehova ta masha conciente di tempu, su dia di haci cuenta lo bini manera un ladron, ora cu hende no ta sper’é. (2 Ped. 3:10) [8, w99-PA 1/6 pág. 5 §1-2]
23. Na 2 Pedro 3:7 i 10, e expresionnan “shelu” i “tera” ta ser usá den un sentido figurativo; manera e contexto ta mustra e “tera” ta referí na hende malbado, esta, e sociedad humano malbado. [11, rs-S pág. 391 §4-392 §2 (rs-E pág. 114 §2-4)]
24. Confiansa i comprension mutuo ta haci comunicacion sano posibel, i e cualidadnan aki ta bini ora un pareha ta mira matrimonio como un relacion di bida largu i ora nan ta ègt decididu pa logra éxito den e matrimonio. [14, w99-PA 15/7 pág. 21 §3]
25. Preshon positivo di pareunan por yuda nos pone rekisitonan moral i spiritual na práctica i asina ta yuda nos sirbi Jehova di henter alma. [16, w99-PA 1/8 pág. 24 §3]
Scoge e contesta corecto den cada un dje siguiente declaracionnan:
26. E echo cu Mardokeo tabata “sinta den porta di rey” ta indicá cu e tabata (wardaespalda di rey; un dje funcionarionan di rey Asuero; sperando un audiencia cu rey). (Ester 2:19, 20) [4, Lesamentu semanal di Bijbel; mira w86-S 15/3 pág. 24 §9.]
27. Manera ta pará skirbí na Job 19:25-27, Job a expresá fe cu lo e “contemplá Dios” den e sentido cu (lo e ser faborecé cu un vision; lo e resucitá pa bida celestial; su wowonan di comprendimentu lo ser habrí pa mira e berdad tocante Jehova). [8, Lesamentu semanal di Bijbel; mira w94-PA 15/11 pág. 19 §17.]
28. Job ta ser recordá principalmente pa su (amor; bondad; awante). (Sant. 5:11) [11, si-S pág. 100 §41]
29. Skirbimentu dje buki di Salmo a extendé pa aproximadamente (treshen; cincushen; mil) aña. [12, si-S pág. 101 §4]
30. (David; Asaf; Ésdras) tabata evidentemente e último compiladó dje buki di Salmo. [13, si-S pág. 102 §6]
Cuadra e siguiente textonan bíblico cu e declaracionnan aki bou:
Neh. 3:5; Sal. 12:2; 19:7; 2 Tim. 3:16, 17; Sant. 5:14-16
31. Nos mester ta dispuesto pa gasta nos mes i no hala atras orguyosamente, considerando trabou pisá como algu fuera di nos dignidad. [Neh. 3:5] [1, Lesamentu semanal di Bijbel; mira w86-S 15/2 pág. 25 §12, 19.]
32. Un cristian cu tabata enbolbí den malecho serio mester confesá su picá na e ancianonan. [Sant. 5:14-16] [4, rs-S pág. 82 §4 (rs-E pág. 83 §9)]
33. Aunke Dios a usa soño pa duna spiertamentu, instruccion i profecia na su pueblo den pasado, awor e ta percurá pa nos salbacion mediante su Palabra inspirá skirbí. [2 Tim. 3:16, 17] [8, rs-S pág. 373 §3 (rs-E pág. 106 §2)]
34. Si nos kier Dios su amistad, nos mester ta onesto di paden, sin hipocresia. [Sal. 12:2] [13, Lesamentu semanal di Bijbel; mira w89-S 15/9 pág. 26 §7.]
35. Obedecé e ley di Dios tin e efecto di rebibá nos alma i ta promové nos bienestar. [Sal. 19:7] [14, Lesamentu semanal di Bijbel; mira w00-PA 1/10 pág. 13 §4.]