Anuncionan

◼ Oferta di literatura pa september: Bida—Con El A Presentá? Dor di Evolucion of Creacion? October: E revistanan Toren di Vigilancia i Spierta! Ora haci rebishita i haña hende interesá, por ofrecé abonament. November: Kico Dios Ta Rekerí di Nos? of Conocimentu cu Ta Hiba na Bida Eterno. Si un persona tin e bukinan aki caba, por ofrec’é Hende en Busca di Dios of cualkier publicacion mas bieu. December: E homber mas importante cu hamás a biba. Otro ofertanan cu por usa ta Mi buki di relato bíblico, E Bijbel—e Palabra di Dios of e palabra di hende? of Bo por biba pa semper den Paradijs riba tera.

◼ A prepará un documentario di mei ora riba video, titulá No Blood−Medicine Meets the Challenge (Sin Sanger—Medicina Ta Aceptá e Reto) pa resaltá e posicion razonabel cu Testigonan di Jehova tin di nenga transfusion di sanger. A prepará e programa aki specialmente pa e público televidente cu no ta Testigo. E video aki ta presentá casonan documentá huntu cu entrevistanan fasinante di hende cu ta traha den cuido di salú, expertonan hurídico i autoridadnan médico principal cu ta apoyá nos posicion.

No ta e intencion pa e congregacion haci un distribucion público general dje video. Sin embargo, nos lo por tin bon resultado si nos start combersacionnan riba e tópico i despues wak e programa huntu cu casá incrédulo of cu famia, docentenan, coleganan di trabou, compañeronan di scol, bisiñanan i studiantenan di Bijbel. Pregunta of comentarionan cu surgi despues di a wak e programa cu un persona cu no ta Testigo lo por percurá un base pa haci rebishita of cuminsá un studio di Bijbel. Sociedad lo duna instruccion na ruman hombernan cu lo ser asigná pa soru cu hospital, dokter i otro profesionalnan ta hañ’é.

Por fabor tuma nota cu awor akí ta solamente e edicion ingles ta disponibel. Segun cu e bira disponibel na otro idioma, boso lo ser notificá den e manera di custumber. Congregacionnan por entregá nan pedido pa e edicion ingles cu nan siguiente pedido di literatura.

◼ Nos kier recordá ancianonan pa sigui e instruccionnan duná den E Toren di Vigilancia na spañó di 15 di april 1991, página 21-3, en cuanto cualkier persona expulsá of desasociá cu kisas ta incliná den direccion di ser restorá.

◼ Personanan asociá cu un congregacion mester manda tur abonament nobo i renobá di E Toren di Vigilancia i Spierta! via congregacion.

◼ Sucursal no ta atendé pedido pa literatura di publicadó individual. E superintendente presidente mester soru pa haci un anuncio tur luna promé cu manda e congregacion su pedido mensual di literatura pa sucursal di manera cu tur ruman cu ta interesá pa haña literatura personal por avisá e ruman cu ta encargá cu literatura. Por fabor, tene na mente cua publicacion ta artículo di pedido special.

◼ Publicacion Nobo Disponibel:

Index di Publicacionnan Watch Tower 1986-2000 —ingles

◼ Videocaset Nobo Disponibel:

E homber mas importante cu hamás a biba—Riba Videocaset, Volúmen 1 —idioma di seña mericano