Kiko Nos Por Bisa dje Revistanan

E Toren di Vigilansia 1 di Mei

“Bo konosé un persona ku ta hopi malu òf ku ta sufri di un desabilidat? Sin duda bo ta di akuerdo ku mi ku hende asina mester di ánimo. Pero kiko nos por bisa pa animá nan? Beibel ta ofresé palabranan di speransa. [Lesa Isaías 35:5 i 6.] E edishon aki di E Toren di Vigilansia ta splika dikon nos por tin sigur ku e profesia aki lo kumpli.”

Spièrta! 8 di Mei

“Den e aña ku a pasa, mundu tabata mas leu ku nunka di logra pas. Bo ta kere ku gobièrnunan humano tin e poder pa trese pas mundial? [Despues ku e persona kontestá, lesa Isaías 2:4.] E edishon aki di Spièrta! ta mustra dikon nos por tin sigur ku pronto pas mundial lo bira un realidat.”

E Toren di Vigilansia 15 di Mei

“Bo ta kere ku ta posibel pa nos siña konosé Dios? [Permití e persona kontestá.] Lo bo ta di akuerdo ku ta difísil pa kere den un persona ku bo sa masha poko di dje. De echo, Beibel ta animá nos pa buska Dios. [Lesa Echonan 17:27.] E artíkulonan aki ta mustra nos kon nos por siña konosé Dios mihó.”

¡Despertad! 22 di Mei

“Lidernan mundial a eksperimentá ku hopi idea den un intento pa solushoná nos problemanan. Un strategia nobo ta konosí komo globalisashon. Den e revista aki bo por lesa kon e intento nobo aki ya kaba por ta afektando bo bida. Tambe bo por lesa di un solushon mundial profetisá den Beibel.” Anto lesa Mateo 6:9 i 10.