Repaso di Skol di Ministerio Teokrátiko
Repaso ku buki será basá riba e material ku a ser tratá den asignashonnan den e Skol di Ministerio Teokrátiko p’e simannan di 6 di mei te ku 19 di ougùstùs 2002. Usa un blachi separá pa skirbi kontesta di mas tantu pregunta posibel den e tempu asigná.
[Nota: Durante e repaso skirbí, por usa solamente Beibel pa kontestá kualkier pregunta. E referensianan ku ta sigui e preguntanan ta pa bo investigashon personal. Number di página i paragraf kisas no ta aparesé na tur referensia di E Toren di Vigilansia.]
Kontestá kada un dje siguiente deklarashonnan ku Sierto òf Falsu:
1. Yeremías 18:1-6 ta mustra ku Yehova ta pone hende hasi kos kontra nan boluntat. [1, Lesamentu semanal di Beibel; wak w99-PA 1/4 pág. 22 §3-4.] Falsu. Yehova nunka ta usa su forsa todopoderoso pa pone hende hasi kos kontra nan boluntat; tampoko e no ta responsabel pa produktonan ku defekto, manera por ta e kaso ku un trahadó humano di pòchi di klei; defektonan ta desaroyá ora ku esnan ku Yehova ta purba forma di un manera positivo ta resistí su guia. (Deu. 32:4)
2. E profetanan falsu a hòrta e efekto ku e palabranan di Dios por tabatin dor ku nan a animá hende pa skucha mentira en bes di e berdadero spièrtamentu di Dios. (Yer. 23:30) [2, Lesamentu semanal di Beibel; wak w92-S 1/2 pág. 4 §3.] Sierto.
3. Na Yeremías 25:15 i 16, “e kopa aki di e biña di furia” ku ta pone “tur e nashonnan . . . pèrdè sintí” ta referí na e efekto tolondrador di religion falsu. [3, Lesamentu semanal di Beibel; wak w94-PA 1/3 pág. 20 §13.] Falsu. Ta usa “e kopa aki” pa simbolisá e boluntat di Yehova pa e nashonnan bebe di su vengansa divino; Yeremías 25:17-26 ta menshoná un lista di e gruponan nashonal ku ta prefigurá e nashonnan djawe.
4. Di akuerdo ku e manera ku Mateo a apliká e profesia di Yeremías, e “tera di e enemigu” ta referí na e tera di morto for di kua e víktimanan hóben ku Herodes e Grandi a mata, lo bolbe bèk mediante un resurekshon. (Yer. 31:15, 16; Mat. 2:17, 18) [4, Lesamentu semanal di Beibel; wak w79-S 1/11 (w79-E 15/6) pág. 19 §13.] Sierto.
5. Yeremías 37:21 ta duna nos e siguransa ku Yehova por sostené su sirbidónan fiel durante tempu di difikultat ekonómiko. [6, Lesamentu semanal di Beibel; wak w97-PA 15/9 pág. 3 §4–pág. 4 §2.] Sierto.
6. E buki di Lamentashonnan ta ekspresá tristesa profundo pa e destrukshon di Yerúsalèm na aña 607 promé ku Era Komun na man di Nabukodonosor, rei di Babilonia. [10, si-S pág. 130 §1] Sierto.
7. Lamentashonnan 5:7 ta mustra bon kla ku Yehova ta kastigá yunan direktamente pa piká di nan mayornan. [11, Lesamentu semanal di Beibel; wak w88-S 1/9 pág. 27 kuadro.] Falsu. Ounke e futuro generashonnan ta sinti e mal konsekuensianan di malecho, nos kada un personalmente mester rindi kuenta na Dios. (Yer. 31:29, 30; Rom. 14:12)
8. E señal riba frenta, menshoná na Ezekiel 9:4, ta nifiká ku konosementu so por skapa un hende. [13, Lesamentu semanal di Beibel; wak w88-S 15/9 pág. 14 §18.] Falsu. E ta referí na evidensia ku ta mustra ku esnan marká ta kristiannan dediká i batisá ku a kultivá mesun personalidat ku Kristu.
9. E “donnan na hende” menshoná na Efesionan 4:8 ta ansianonan kristian, nombrá pa spiritu santu i ku a risibí e outoridat pa kuida e bienestar spiritual di nan rumannan den fe. (Echonan 20:28) [15, w00-PA 1/8 pág. 6 §3] Sierto.
10. Den e aplikashon moderno di Ezekiel kapítulo 23, por kompará protestantismo ku Aholiba (òf Oholiba) i katolisismo romano, ku su ruman muhé mas grandi Ahola (òf Ohola). [16, Lesamentu semanal di Beibel; wak w88-S 15/9 pág. 21 §22.] Sierto.
Kontestá e siguiente preguntanan:
11. Kua ta e tres profetanan ku a destaká durante e añanan krítiko—617 te ku 607 promé ku Era Komun—ku a kulminá den destrukshon di Yerúsalèm? [12, si-S pág. 133 §2] Nan tabata Yeremías, Daniel i Ezekiel.
12. Reakshonando riba e invitashon ku tin na Lukas 9:23, kon nos por demostrá berdadero apresio pa Kristu su sakrifisio di reskate? [1, w00-PA 15/3 pág. 8 §1] Berdadero apresio p’e reskate lo tin un efekto profundo riba nos punto di bista, metanan i estilo di bida i lo motivá nos pa siña mas tokante Kristu i su Tata amoroso; tambe lo e motivá nos pa krese den fe, biba na armonia ku Dios su normanan benefisioso i ‘ser seloso den hasimentu di bon obra.’ (Tito 2:13, 14; Huan 17:3) (Idea prinsipal ta sufisiente)
13. Den ki manera Yehova a “engañá” Yeremías? (Yer. 20:7, NW) [2, Lesamentu semanal di Beibel; wak w89-S 1/5 pág. 31 §6.] Yeremías aparentemente a pensa ku el a yega su límite, pero Dios a “engañá” Yeremías den e sentido ku El a usa e hòmber imperfekto aki pa logra loke e profeta lo no por a hasi riba su mes forsa.
14. Kiko Hesus tabata kier men ora el a bisa ku spiritu santu “lo siña boso tur kos i hasi boso rekòrdá tur loke mi a bisa boso”? (Huan 14:26) [4, w00-PA 1/4 pág. 8 §7-8] Dios su spiritu santu a yuda e disipelnan kòrda i komprendé e kosnan ku nan a tende anteriormente serka Hesus pero ku nan no a komprendé kompletamente.
15. Segun Yeremías 35:18 i 19, ki speransa tin dilanti e grupo ku awe ta simbolisá e rekabitanan? [5, Lesamentu semanal di Beibel; wak su-PA pág. 131 §7.] E rekabitanan di pasado tabata entre esnan ku a sobrebibí e destrukshon di Yerúsalèm na aña 607 promé ku Era Komun, i a prefigurá e “otro karnénan” ku lo sobrebibí e binidero destrukshon di kristiandat i di e restu di mundu ku ta hasi loke nan kier i ta nenga di rekonosé Yehova su derecho komo Soberano supremo. (Huan 10:16) (Idea prinsipal ta sufisiente)
16. Den ki sentido e gigantenan (“nèfilim,” NW) tabata “hòmbernan poderoso” i “hòmbernan di fama”? (Gén. 6:4) [6, w00-PA 15/4 pág. 28 §1] E desendientenan sobrehumano aki di angelnan desobediente a bira notorio komo personanan aparentemente invensibel pa motibu di nan aktonan poderoso ku sin duda a enbolbé violensia i dramamentu di sanger. (Gén. 6:11, 13)
17. Kon Baruk a pèrdè su balansa spiritual, i ki lès nos por siña for di su eksperensia? (Yer. 45:1-5) [7, Lesamentu semanal di Beibel; wak w97-PA 15/8 pág. 21 §14-16.] Baruk a kuminsá ‘buska kosnan grandi pa su mes,’ kisas rikesa, un posishon prominente òf siguridat material, pero despues el a hasi kaso di Yehova su korekshon i a sobrebibí; nos mester evitá kosnan similar en bista di ku e fin di e sistema di kosnan aki ta serka.
18. Na ki tempu i kon e profesia di Yeremías 50:38 a kumpli? [9, Lesamentu semanal di Beibel; wak dp-PA pág. 150 §2-3.] El a kumpli na aña 539 promé ku Era Komun, ora Siro e pèrso a desviá e awanan di Riu Eufrátes, loke a pèrmití su ehérsito krusa e riu kasi seku i asina drenta den Babilonia i kaptur’é.
19. Segun Lamentashonnan 1:15, loke a pasa ku Yerúsalèm, “e yu muhé bírgen di Huda,” ta indiká kiko pa kristiandat? [10, Lesamentu semanal di Beibel; wak w88-S 1/9 pág. 27 kuadro.] Meskos ku Yerúsalèm, ku nan a pensa tabata manera un muhé puru, a ser destruí ku hopi dramamentu di sanger—algu ku por ser kompará ku e primimentu di djus di wendrùif den un baki di pèrs biña—asina kristiandat lo ser aplastá na Dios su debido tempu.
20. Kiko e deklarashon ku tin pará skirbí na Ezekiel 21:26: “Lòs tùlban i kita korona,” ta nifiká? [16, Lesamentu semanal di Beibel; wak w88-S 15/9 pág. 19 §16.] E gobernashon real ku tabata funshoná na Yerúsalèm i ku a prefigurá e Reino di Dios, simbolisá dor di e “korona” i “tùlban,” a terminá; “e tempunan di e paganonan” a kuminsá. (Luk. 21:24)
Yena e palabra(nan) òf frase nesesario pa kompletá kada un dje siguiente deklarashonnan:
21. Un persona humilde [modesto, NW] ta keda denter di e límitenan di bon komportashon i ta rekonosé ku tin límite na loke e mester hasi i loke e por hasi. (Mik. 6:8) [2, w00-PA 15/3 pág. 21 §1-2]
22. Ounke kisas spiritu santu no ta eliminá prueba ni tentashon, e por yuda nos wanta nan. (1 Kor. 10:13; 2 Kor. 4:7) [4, w00-PA 1/4 pág. 11 §6]
23. Profeta Daniel a konkluí for di e skirbimentunan di Yeremías ku e desolashon di Yerúsalèm lo dura 70 aña; e eksaktitut asombroso di esaki ta fortalesé nos fe den Yehova su poder di profetisá. (Yer. 25:12; Dan. 9:2) [9, si-S pág. 129 §37]
24. E buki di Lamentashonnan mester inspirá obedensia i integridat den adoradónan berdadero i sirbi komo un teribel spièrtamentu pa esnan ku no ta tene kuenta ku Yehova Dios. [11, si-S pág. 132 §13]
25. Abraham su ehèmpel di ser fleksibel ora di trata ku un desakuerdo, ta un animashon pa nos no pèrmití preferensia personal òf orguyo daña e relashon presioso ku nos tin ku nos rumannan. (Gén. 13:5-12) [16, w00-PA 15/8 pág. 24 §3-4]
Skohe e kontesta korekto den kada un dje siguiente deklarashonnan:
26. Job a apresiá Yehova su (konosementu; miserikòrdia; huisio) i p’esei el a trata su esklabonan ku (perspikasia; miserikòrdia; hustisia). (Job 31:13, 14) [3, w00-PA 15/3 pág. 26 §1]
27. Na Yeremías 16:2-4, Dios a manda e profeta keda soltero (pa demostrá su spiritu di sakrifisio propio; pa prefigurá e bida soltero ku e Mesías a sigui; pa konfirmá ku e palabra di Yehova relashoná ku e destrukshon di Yerúsalèm ta sigur). [1, Lesamentu semanal di Beibel; wak w78-S 1/10 pág. 30 (w78-E 15/4 pág. 31) § 2.]
28. Na Proverbionan 4:7, sabiduria ta referí na (konosé e echonan; wak kon e echonan ta relashoná ku otro; pone konosementu i komprendementu na práktika). [7, w00-PA 15/5 pág. 21 §1]
29. Ningun hende ta kompletamente sigur di e manera ku a pronunsiá e nòmber di Dios na hebreo original pasobra originalmente nan tabata skirbi hebreo bíbliko (solamente ku vokal [klinker]; solamente ku konsonante [medeklinker]). [6, rs-S pág. 202 (rs-E pág. 195) §1]
30. E garoshi di Dios deskribí den Ezekiel kapítulo 1 ta representá (Dios su Reino Mesiániko; Yehova su organisashon selestial ku ta konsistí di angelnan; Yehova su komunikashon ku e restu). [12, Lesamentu semanal di Beibel; wak w88-S 15/9 pág. 11 §5.]
Kuadra e siguiente tekstonan bíbliko ku e deklarashonnan aki bou:
Deu. 7:25, 26; Pro. 4:18; 5:21; Yer. 46:28; Rom. 15:4
31. E mandamentu aki ta mustra kon e pueblo di Yehova mester mira kualkier imágen ku ántes nan tabata venerá. [Deu. 7:25, 26] [1, rs-S pág. 181 §5 (rs-E pág. 186 §3)]
32. Un manera spesial ku Yehova ta perkurá konsuelo ta via su Palabra skirbí ku ta kontené un speransa maravioso pa futuro. [Rom. 15:4] [5, w00-PA 15/4 pág. 5 §4]
33. Disiplina di mayornan no mester surpasá límitenan rasonabel ni mester bai mas ayá ku su propósito di korigí i siña yunan. [Yer. 46:28] [8, Lesamentu semanal di Beibel; wak kl-PA pág. 148 §20.]
34. Ya ku Yehova ta hasi posibel pa su sirbidónan komprendé su propósito di un manera progresivo, ora un persona atkerí mas konosementu hopi bes esaki ta rekerí p’e ahustá su manera di pensa. [Pro. 4:18] [10, rs-S pág. 386 §3 (rs-E pág. 205 §4)]
35. Kualkier akto seksual sushi, asta si ningun otro hende no sa di dje, no ta skondí for di bista di Dios. [Pro. 5:21] [14, w00-PA 15/7 pág. 31 §3]