Programa di Reunion di Sirbishi

Siman di 9 di Sèptèmber

Kantika 209

13 min: Anunsio lokal. Anunsio selektá for di Nos Ministerio di Reino. Usa e sugerensianan na página 8 pa tene dos demostrashon di kon pa presentá E Toren di Vigilansia di 1 di sèptèmber i e Spièrta! di 8 di sèptèmber. Den kada un di nan dos, mustra un otro manera pa trata ku e opheshon: “Mi no ta interesá den Testigunan di Yehova.”—Mira e foyeto Con pa Cuminsá i Continuá Consideracionnan Bíblico, página 9-10 òf buki Rasonamentu (na spañó), página 17-18.

17 min: “Yuda Otronan Glorifiká Yehova.”* Si tempu permití, menshoná un òf dos idea práktiko for di e buki Rasonamentu na spañó, página 203-205 [na ingles, página 196-9].

15 min: Dikon Hende No Tin Fe? Konsiderashon ku ouditorio. Hopi bes nos ta topa hende ku tin tiki fe. (2 Tes. 3:2) Pa nos por alkansá nan ku e bèrdat tokante Yehova, promé nos mester saka afó ta kiko a influensiá e manera ku nan ta pensa tokante Dios. Trata e kuater faktornan ku e buki Rasonamentu na spañó ta menshoná na página 162-3 [na ingles, página 129-30], ku por stroba hende di haña fe. Invitá e ouditorio pa sugerí kon pa trata ku kada kaso. Relatá ki método un ruman a yega di usa ku éksito pa yuda un hende ku no tabatin fe, òf usa un eksperensia den e Spièrta! na spañó di 22 di ougùstùs 1993, página 14-15.

Kantika 122 i orashon di konklushon.

Siman di 16 di Sèptèmber

Kantika 163

10 min: Anunsio lokal. Informe di kuenta. Animá tur ruman pa prepará pa e Reunion di Sirbishi dje siguiente siman dor di repasá nan anotashonnan dje último asamblea di sirkuito.

18 min: Kon A Bai Aña Pasá? Diskurso na enkargo dje superintendente di sirbishi. Menshoná algun logro sobresaliente den e informe di aña di sirbishi 2002. Elogiá tur hende pa e kosnan bon. Konsentrá riba kon a bai ku e kongregashon den loke ta toka asistensia na reunion, rebishita i studio di Beibel, i e trabou di pionero ouksiliar. Duna sugerensia práktiko tokante kon pa mehorá. Pone algun meta alkansabel pa e aña aki.

17 min: E Retonan Ku Mayornan Soltero Ta Enfrentá. Un ansiano ta entrevistá un òf dos mayor soltero (òf ruman kasá ku hende ku no ta Testigu) pa sa kon nan ta trata ku problemanan relashoná ku entrenamentu, disiplina i dunamentu di guia spiritual na nan yunan. Kon nan ta logra kumpli ku nan responsabilidatnan di famia i na mes momentu bai reunion i sali den sirbishi regularmente? Hala atenshon na algun sugerensia duná den e buki Felisidat den Famia na página 104-10. Menshoná algun dje maneranan práktiko ku otronan por yuda, manera página 113-15 ta mustra.

Kantika 149 i orashon di konklushon.

Siman di 23 di Sèptèmber

Kantika 107

10 min: Anunsio lokal. Usa e sugerensianan na página 8 pa laga un ansiano demostrá kon pa presentá E Toren di Vigilansia di 15 di sèptèmber, i laga un sirbidó ministerial mustra kon pa presentá e Spièrta! di 22 di sèptèmber. Despues di kada demostrashon, bolbe menshoná e promé un òf dos frasenan ku nan a usa pa lanta interes dje doño di kas.

10 min: Nesesidat lokal.

25 min: “Teme Dios i Dun’é Gloria.” (Rev. 14:7) Diskurso ku partisipashon di ouditorio ku ta repasá e programa dje asamblea di sirkuito di e aña di sirbishi pasá. Invitá e kongregashon pa komentá riba puntonan klave ku nan a siña, i tokante kon nan por a pone nan na práktika personalmente òf komo famia. (Lo por asigná ruman di antemano pa duna kontesta riba un sierto parti.) Trata e siguiente partinan dje asamblea: (1) “Yuda e Nobonan Kultivá Temor di Dios.” Kon nos por yuda hende interesá ku tabata presente na Memorial progresá i bira sirbidó aktivo di Yehova? (2) “Teme Yehova Ta Nifiká Odia Loke Ta Malu.” (w87-S 15/4 16-18) Kon Proverbionan 6:16-19 por yuda nos bandoná kosnan ku Yehova ta odia, manera orguyo, gañamentu, korementu tras di kos material, dibertishon insaludabel i maluso di Internet? (3) “Hala Mas Serka di Esnan Ku Bo Stima.” Nos ta stima Yehova, Hesus, nos miembronan di famia, i otro miembronan dje kongregashon. Kon dor di hala mas serka di nan nos ta protehá nos mes for di mundu? (4) “Teme Yehova, No Hende.” Kon temor pa desagradá Yehova a yuda bo vense timides ora di prediká, pega na prinsipionan di Dios na trabou òf na skol, òf resistí preshon di bo doño di trabou pa falta reunion, asamblea òf kongreso? (5) “Hasi Tur Kos p’e Gloria di Dios.” (Sal. 119:37; Heb. 4:13) Dikon temor di Dios mester stòp nos di bebe di mas, mira pornografia òf praktiká otro pikánan skondí? (6) “Sigui Kana den e Temor di Yehova.” Kon Yehova a bendishoná bo debí ku bo a permití su spiritu obra plenamente den bo bida?—Sal. 31:19; 33:18; 34:9, 17; 145:19.

Kantika 171 i orashon di konklushon.

Siman di 30 di Sèptèmber

Kantika 116

15 min: Anunsio lokal. Kòrda publikadónan pa nan entregá nan rapòrt di sirbishi di vèlt pa sèptèmber. Trata “Programa di Konstrukshon di Salon di Reino Ta Avansando.”

15 min: Kiko Ta Hasi Nos Revistanan Úniko? Diskurso i konsiderashon ku ouditorio. Den òktober nos lo ofresé E Toren di Vigilansia i Spièrta! Konsiderá dikon e revistanan ta úniko: (1) Nan ta halsa Yehova su nòmber. (2) Nan ta animá hende pa ehersé fe den Hesus. (3) Nan ta proklamá e Reino di Dios. (4) Nan ta dirigí hende na Beibel komo e outoridat final. (5) Nan ta splika kumplimentu di profesianan bíbliko. (6) Nan ta splika e berdadero nifikashon di susesonan aktual. (7) Nan ta siña hende kon pa enfrentá problemanan aktual. (8) Nan ta atraé tur klase di hende. (9) Nan ta keda neutral den asuntunan polítiko. Presentá dos demostrashon breve. Kada un mester mustra kon lo por usa un dje puntonan aki pa kuminsá un kòmbersashon.

15 min: “Mustra Apresio pa Rekursonan Teokrátiko.”* Na enkargo di un ansiano. Komentá kiko por ser opservá lokalmente, i kiko e kongregashon por hasi pa usa nos literatura na un manera sabí. Animá tur hende mashá pa no pidi mas literatura ku nan tin mester di bèrdat. Kòrda ku nos tin e privilegio di hasi kontribushon finansiero pa apoyá e obra mundial.—Mira “Kompartí ku Otronan Segun Nan Nesesidat,” den Nos Ministerio di Reino di novèmber 1996, página 3.

Kantika 21 i orashon di konklushon.

Siman di 7 di Òktober

Kantika 129

10 min: Anunsionan lokal.

15 min: Apoyá e Bèrdat na Skol. Entrevistá un òf dos publikadó hóben ku a kuminsá bèk ku skol, i ku ta realisá ku nan mester limitá nan asosiashon ku kompañeronan di skol ku no ta kreyente. Kon nan tin intenshon di enfrentá e retonan i tentashonnan relashoná ku seremonia nashonalista, fiesta di skol, deporte despues di ora di skol i kondukta impuru? Menshoná tambe ki plan nan tin pa duna testimonio na skol.

20 min: “No Kore Tras di ‘Banidat.’”* Despues di paragraf 4, inkluí komentario riba e suplemento di Nos Ministerio di Reino di novèmber 1999, paragraf 30-2. Na paragraf 5, inkluí komentario tokante e kuadro den E Toren di Vigilansia di 1 di òktober 1994, página 8. Huntu ku paragraf 6, lesa paragraf 18 dje suplemento di novèmber 1999.

Kantika 105 i orashon di konklushon.

* Limitá komentarionan di introdukshon na ménos ku un minüt, anto sigui ku un konsiderashon ku pregunta i kontesta.

[Picture on page 2]

(Ta kontinuá na pág. 7, kòl. 1)

[Picture on page 7]

Programa di Reunion di Sirbishi (Kontinuashon)