Programa di Reunion di Sirbishi
Siman di 9 di Desèmber
Kantika 193
12 min: Anunsio lokal. Anunsio selektá for di Nos Ministerio di Reino. Usando e sugerensianan na página 8, demostrá kon pa presentá E Toren di Vigilansia di 1 di desèmber i tambe e Spièrta! di 8 di desèmber.
15 min: “Proklamá e Mensahe di Reino.”* Ora di trata paragraf 3, inkluí sugerensianan ku ta mustra kon nos por lesa dirèkt for di Beibel ora nos ta kompartí e bon nobo.—km-PA 12/01 pág. 1, par. 3.
18 min: Sea Produktivo den Tur Bon Obra. Diskurso ku partisipashon di ouditorio. Na enkargo di un ansiano. Repasá e historia i progreso di e kongregashon lokal, i inkluí e esfuersonan ku a hiba na formashon di e kongregashon. Hasi areglo di antemano pa laga algun di esnan ku tabata presente e tempu ei konta eksperensianan animante. Analisá ki posibilidatnan tin pa mas oumento, i animá tur publikadó pa apoyá ku selo e aktividatnan di kongregashon.
Kantika 119 i orashon di konklushon.
Siman di 16 di Desèmber
Kantika 29
10 min: Anunsio lokal. Informe di kuenta. Menshoná e areglonan spesial di sirbishi di vèlt pa dia 25 di desèmber i 1 di yanüari.
15 min: Esnan Ku Tin Disernimentu Lo Komprondé. (Dan. 12:3, 10) Un demostrashon. Un persona interesá ta puntra: “Kon mi por ta sigur ku ta boso tin e komprondementu korekto di loke Beibel ta siña?” E publikadó ta splika e persona kon pa investigá e Beibel a base di tópiko. (w96-PA 15/5 pág. 19-20) Usando un òf dos ehèmpel for di e buki Rasonamentu na spañó, página 389-94 (na ingles, pág. 112-17), e ta mustra kon nos a bin komprondé loke ta Dios su propósito pa e tera dor di analisá e tekstonan bíbliko kuidadosamente. E publikadó ta splika ku por usa e mesun método pa komprondé otro siñansanan bíbliko korektamente i ta ofresé e persona un studio di Beibel.
20 min: “Kòrda Riba Esnan Fiel di Mayor Edat.”* Inkluí komentario for di E Toren di Vigilansia di 1 di ougùstùs 1994, página 29. Menshoná e areglo ku tin pa publikadónan enfermo raportá nan tempu di sirbishi di vèlt den frakshonnan di 15 minüt. Prepará algun ruman pa konta eksperensia ku ta mustra kon asosiashon ku personanan di edat òf enfermo ta trese bendishon pa ámbos banda.
Kantika 154 i orashon di konklushon.
Siman di 23 di Desèmber
Kantika 148
10 min: Anunsio lokal. Usando e sugerensianan na página 8, demostrá kon por presentá E Toren di Vigilansia di 15 di desèmber i e ¡Despertad! di 22 di desèmber. Animá tur presente pa wak e vidio Sin Sanger—Medisina Ta Aseptá e Reto, komo preparashon pa e parti den Reunion di Sirbishi pa e siman di 6 di yanüari.
15 min: Nesesidat lokal.
20 min: “Bo Ta Hasiendo Bo Parti pa Nos Tin un Rapòrt Eksakto?”* Ora di trata paragraf 2, inkluí komentario for di e buki Nos Ministerio, página 106-8.
Kantika 165 i orashon di konklushon.
Siman di 30 di Desèmber
Kantika 152
7 min: Anunsio lokal. Kòrda e publikadónan pa entregá nan rapòrt di sirbishi di vèlt di desèmber. Si boso kongregashon ta bai kambia su orario e aña entrante, animá tur hende bondadosamente pa sigui asistí ku regularidat na e oranan nobo. Menshoná e oferta di literatura pa yanüari i hala atenshon spesial na e bukinan ku e kongregashon tin na stòk.
15 min: Repasá e Buki Adorá Dios. Diskurso ku partisipashon di ouditorio. Splika e areglo ku tin pa usa e buki nobo komo di dos buki di studio. (km-PA 6/00 pág. 4 par. 5-6) Invitá e ouditorio pa komentá kiko spesialmente nan ta gusta di e buki. Enfatisá ku sierto parti di e buki ta usa pregunta- i tekstonan bíbliko pa motivá e studiante pa pensa profundamente riba e Palabra di Dios. Presentá e ehèmpel ku tin na página 47-9, paragraf 13.
12 min: “Kongreso di Distrito 2003 di Testigunan di Yehova ‘Duna Gloria na Dios.’”* Na enkargo di e sekretario di kongregashon. Promé ku konsiderá e suplemento, lesa e karta di asignashon di kongreso fechá 15 di desèmber 2002. Enfatisá e sekretario su papel komo kordinadó di kongreso pa e kongregashon ora bo ta konsiderá paragraf 5. Mustra e rumannan ku ta algu digno di elogio ora ku mas pronto posibel nan hasi nan areglonan pa asistí na kongreso.
11 min: “Dios Ta Stima Esun Ku Ta Duna ku Alegria.” Diskurso na enkargo di e superintendente presidente. Enfatisá kon duna ku alegria ta enserá ser konsiente di e nesesidatnan finansiero di bo propio Salòn di Reino. Elogiá e rumannan sinseramente pa nan sosten boluntario.
Kantika 147 i orashon di konklushon.
Siman di 6 di Yanüari
Kantika 67
5 min: Anunsio lokal.
23 min: Yudansa pa Obedesé Dios Su Lei Tokante Sanger. Diskurso na enkargo di un ansiano kapasitá, basá riba e boskeho ku sukursal a perkurá. E sekretario mester tin sufisiente karchi di Instrukshon/Eksonerashon Médiko Delantá (IMD) i Karchi di Identifikashon (pa mucha). Publikadónan batisá lo por haña e dokumentonan aki despues di e reunion di awe nochi, pero NO mester yena nan awe nochi. Na e siguiente Studio di Buki di Kongregashon lo firma i fecha e karchinan di IMD dilanti testigu, ku yudansa di e konduktor di studio di buki si ta nesesario. Esnan ku ta firma komo testigu mester realmente mira e portadó di e karchi firma esaki. Publikadónan ku no ta batisá por skirbi nan propio instrukshon médiko pa nan mes i pa nan yunan dor di tuma over e palabranan ku tin den e dokumento i adaptá nan na nan sirkunstansianan i konvikshon.
17 min: “Bo Mester Wak e Vidio Sin Sanger—Medisina Ta Aseptá e Reto.” Na enkargo di un ansiano kapasitá. Kuminsá trata e vidio Sin Sanger mesora ku e ouditorio, usando e preguntanan ku tin den e kuadro na página 7. Ora kaba, lesa e último paragraf di e kuadro.
Kantika 79 i orashon di konklushon.
* Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.