Anunsio

◼ Oferta di literatura pa desèmber: E homber mas importante cu hamás a biba. Tambe por ofresé, Bo por biba pa semper den Paradijs riba tera, E Bijbel—e Palabra di Dios òf e palabra di hende? òf Mi buki di relato bíblico. Yanüari: Kualkier buki publiká promé ku 1988 ku e kongregashon tin na stòk. Si boso kongregashon no tin ningun di e bukinan aki na stòk, chèk por fabor si kongregashonnan serkano tin èkstra publikashon bieu na stòk ku boso por usa. Kongregashonnan ku no tin bukinan mas bieu por ofresé Hende en Buska di Dios. Febrüari: Hala Serka Yehova. Si e buki aki no ta disponibel, boso por usa Bida—Kon El A Presentá? Dor di Evolushon òf Kreashon? òf Revelacion—su gran culminacion ta cerca! Mart: Conocimentu cu Ta Hiba na Bida Eterno. Lo hasi un esfuerso spesial pa kuminsá studio di Beibel. Si e personanan tin e publikashon aki kaba, nos por ofresé Presta Atencion na e Profecia di Daniel!

◼ Un rekordatorio pa rumannan ku ta atendé kuenta di kongregashon: Donashonnan ku wòrdu poné den e kaha pa Obra Mundial i esun pa Fondo di Salòn di Reino mester wòrdu mandá tur luna pa sukursal, i no mester usa nan pa paga e fiansa di e Salòn di Reino ni otro gastu di kongregashon.

◼ Riba djasabra, 8 di mei 2004, e fasilidatnan di sukursal na Kòrsou, Brooklyn, Patterson i Wallkill (New York, Merka) lo ta será pa limpiesa general. E fasilidatnan na Brooklyn, Patterson i Wallkill lo ta será riba e siguiente djasabranan tambe: 13 di mart 2004 (graduashon di skol di Galaad); 11 di sèptèmber 2004 (graduashon di skol di Galaad) i 2 di òktober 2004 (reunion anual di Watch Tower Bible and Tract Society of Pennsylvania). Riba e fechanan ei lo no duna tour.

◼ Pronto nos lo manda pa boso kongregashon e invitashonnan pa Memorial 2004 den e idioma prinsipal di kada kongregashon. Si tin hende di otro idioma den boso teritorio i boso kier invitashon den e idiomanan ei, mester hasi pedido pa nan mesora riba un Formulario di Pedido di Literatura (S-14). Den e karta “Anunsio pa Tur Kongregashon” ku tur kongregashon ta haña kada luna lo menshoná e idiomanan den kua e invitashonnan pa Memorial ta disponibel. Por fabor, pidi solamente e idiomanan nesesario pa boso teritorio.

◼ Por fabor, tuma nota ku e Memorial pa aña 2005 lo kai riba djaweps 24 di mart, despues ku solo baha. Nos ta duna e aviso delantá aki pa asina rumannan por hasi reservashon òf sera kontraktnan nesesario pa salanan disponibel si tin vários kongregashon ta usa e mesun Salòn di Reino i mester buska otro kaminda pa reuní. Den kasonan asina, ansianonan mester tin un akuerdo ku gerensia dje lugá ku ta sigurá nan ku lo no tin bochincha di otro aktividat den e edifisio, ya asina e selebrashon di Memorial por tuma lugá trankil i ordená. Debí n’e importansia dje okashon, e kuerpo di ansiano, ora di asigná e oradó pa Memorial, mester skohe un dje ansianonan mas kualifiká en bes di simplemente duna kada un bùrt òf usa e mesun ruman tur aña. Si tin un ansiano kapasitá dje klase ungí ku por duna e diskurso, mester asigná é.

◼ For di e siman di 15 di mart 2004 te ku 16 di mei 2005, nos lo studia e buki Hala Serka Yehova na Studio di Buki di Kongregashon.