Anunsio

◼ Oferta di literatura pa yanüari: Kualke buki publiká promé ku 1988 ku e kongregashon tin na stòk. Si boso kongregashon no tin ningun di e bukinan aki na stòk, chèk por fabor si kongregashonnan serkano tin èkstra publikashon bieu na stòk ku boso por usa. Kongregashonnan ku no tin bukinan mas bieu por ofresé Hende en Buska di Dios. Febrüari: Hala Serka Yehova. Si e buki aki no ta disponibel, boso por usa e buki Kreashon (tamaño grandi òf chikitu) òf Revelacion​—⁠su gran culminacion ta cerca! Mart: Conocimentu cu Ta Hiba na Bida Eterno. Lo hasi un esfuerso spesial pa kuminsá studio di Beibel. Si e personanan tin e publikashon aki kaba, nos por ofresé Presta Atencion na e Profecia di Daniel! Aprel: Ofresé ehemplarnan individual di tantu E Toren di Vigilansia komo Spièrta! Ora di rebishitá hende interesá, bishitá tambe hendenan ku sa asistí na Memorial òf otro eventonan teokrátiko pero ku no ta asosiá aktivamente ku e organisashon. Ofresé prinsipalmente e buki Adorá e Úniko Dios Berdadero. Mester hasi tur esfuerso pa kuminsá un studio di Beibel na kas, spesialmente ku hende ku a studia e buki Conocimentu i e foyeto Rekerí kaba.

◼ Entrante e siman di 15 di mart 2004, nos lo studia e buki Hala Serka Yehova na Studio di Buki di Kongregashon.

◼ Kuminsando na febrüari, i no mas tardá ku 7 di mart, e diskurso públiko nobo pa superintendente di sirkuito lo ta “Ken Su Norma- i Balornan Ta Importante pa Bo?”

◼ Kongregashonnan mester hasi areglo kumbiniente pa tene e Memorial di e aña aki riba djadumingu 4 di aprel, despues ku solo baha. Maske e diskurso lo por kuminsá mas trempan, e pasamentu di e pan ku biña no mag kuminsá sino te despues ku solo baha. Konsultá ku outoridatnan lokal pa determiná ki ora solo ta baha den boso área. Mester hasi areglo pa tene e Studio di Toren di Vigilansia riba un otro dia, pasobra fuera di reunion pa sirbishi di vèlt lo no tene ningun otro reunion riba e dia ei. Superintendentenan di sirkuito lo tin ku ahustá nan programa di reunion pa e siman ei di akuerdo ku e sirkunstansianan lokal. Ounke lo ta preferibel pa kada kongregashon tene nan propio selebrashon di Memorial, no ta tur biaha esaki ta posibel. Den kaso ku normalmente vários kongregashon ta usa e mesun Salòn di Reino, podisé un òf mas kongregashon por usa un otro fasilidat pa e anochi ei. Kaminda ta posibel, nos ta rekomendá un lapso mínimo di 40 minüt entre e programanan pa asina tur hende por benefisiá plenamente di e okashon ei. Tambe mester tene kuenta ku e asuntu di tráfiko i di parker; esei ta enserá kaminda pa baha pasahero for di outo òf pa rekohé nan. E kuerpo di ansiano mester disidí ki areglonan lo ta mihó lokalmente.

◼ Esnan ku ta deseá di hasi donashon na e obra mundial via medionan elektróniko, por skirbi òf bèl sukursal pa risibí informashon tokante e areglo aki. Pa mas informashon, sea asina bon di yama 461-7528 òf manda bo karta na Watch Tower, Atn. Accounting Desk, Seroe Loraweg 142A, Curaçao.

◼ Kuminsando ku e luna aki lo tin un kambio den e manera ku nos ta indiká referensia na literatura ku a ser imprimí anteriormente, manera por ehèmpel den e Programa pa Skol di Ministerio Teokrátiko. Te ku awor nos tabata referí na e publikashonnan na ingles, spañó òf papiamentu. Entrante yanüari 2004, lo referí na e publikashonnan na papiamentu (PA). Den kaso ku e publikashon no ta eksistí na papiamentu, lo referí na e publikashon na spañó (S).