Anunsio

◼ Oferta di Literatura pa mart: Conocimentu cu Ta Hiba na Bida Eterno. Lo hasi un esfuerso spesial pa kuminsá studio di Beibel. Si e personanan tin e publikashon aki kaba, nos por ofresé Presta Atencion na e Profecia di Daniel! Aprel ku mei: Ofresé ehemplarnan individual di tantu E Toren di Vigilansia komo Spièrta! Ora di rebishitá hende interesá, bishitá tambe hendenan ku sa asistí na Memorial òf otro eventonan teokrátiko pero ku no ta asosiá aktivamente ku e organisashon. Ofresé nan prinsipalmente e buki Adorá Dios. Mester hasi tur esfuerso pa kuminsá un studio di Beibel na kas, spesialmente ku hende ku a studia e buki Conocimentu i e foyeto Rekerí kaba. Yüni: Siña for di e Gran Maestro. Si e personanan bisa ku nan no tin yu, ofresé e foyeto Rekerí. Ora usa e foyeto, konsentrá riba kuminsá studio di Beibel.

◼ Ofisina di sukursal no ta atendé pedido pa literatura di publikadó individual. E superintendente presidente mester sòru pa tur luna hasi un anunsio promé ku manda e kongregashon su pedido mensual di literatura pa sukursal, ya asina tur ruman ku ta interesá pa haña literatura por hasi nan pedido serka e ruman ku ta enkargá ku literatura. Por fabor, tene na mente kua publikashon ta artíkulo di pedido spesial.

◼ Ta importante pa gruponan di 20 persona òf mas ku ta plania pa bishitá fasilidatnan di sukursal na Merka, skirbi promé na Central Tour Desk, 100 Watchtower Drive, Patterson, NY 12563-9204. E Central Tour Desk lo atendé gruponan ku ta bishitá e fasilidatnan na Brooklyn, Patterson i Wallkill, New York, òf e Salòn di Asamblea na Jersey City, New Jersey. Por fabor, manda informashon enkuanto e kantidat di persona ku ta bini, e fecha i e ora ku lo bishitá kada sitio. E sukursal lo perkurá un deskripshon di e tournan disponibel i tambe un mapa ku ta mustra kon pa yega na kada sitio. Promé ku boso bishita, por fabor, repasá e Kaha di Pregunta di Nos Ministerio di Reino di yüni 2002 enkuanto bistí i areglo personal apropiá ora di bishitá kasnan di Bètel.