Anunsio

◼ Oferta di literatura pa mei: Ofresé ehemplarnan individual di tantu E Toren di Vigilansia komo Spièrta! Ora di rebishitá hende interesá, bishitá tambe hendenan ku sa asistí na Memorial òf otro eventonan teokrátiko pero ku no ta asosiá aktivamente ku e organisashon. Ofresé nan prinsipalmente e buki Adorá Dios. Mester hasi tur esfuerso pa kuminsá un studio di Beibel na kas, spesialmente ku hende ku a studia e buki Conocimentu i e foyeto Rekerí kaba. Yüni: Siña for di e Gran Maestro. Si e personanan bisa ku nan no tin yu, ofresé e foyeto Rekerí. Ora usa e foyeto, konsentrá riba kuminsá studio di Beibel. Yüli ku ougùstùs: Por usa un di e siguiente foyetonan di 32 página: Bo Mester Kere den Trinidad?, Dios Realmente Ta Interesá den Nos?, Disfruta di bida riba tera pa semper!, E gobierno cu lo restorá paradijs, E nomber divino cu lo permanece pa semper, Kiko Ta e Propósito di Bida? Kon Bo Por Haña Sa?, Kico Ta Sosodé cu Nos ora Nos Muri?, “Mira! mi ta traha tur cos nobo” i Ora un Persona Stimá Muri.

◼ E superintendente presidente òf un ruman asigná dor di dje mester kontrolá e kuentanan di kongregashon dia 1 di yüni òf mas pronto posibel despues di esei. Ora esei tuma lugá, hasi un anunsio n’e kongregashon despues di lesa e siguiente informe di kuenta.

◼ Ora hasi donashon ku chèk i tira nan den e kahanan di kontribushon na Salòn di Reino pa e obra mundial i pa e Fondo pa Salòn di Reino, mester traha e chèknan na nòmber di “Testigunan di Yehova.” Ora hasi donashon ku chèk na kongreso di distrito, òf ora manda nan pa sukursal, mester traha nan na nòmber di “Watch Tower.” E adrès finansiero di sukursal ta P.O. Box 4708, Seroe Loraweg 142A, Curaçao, N.A.

◼ Kuminsando ku e kargamentu di literatura di mei, nos lo manda e stòk anual di formulario di kongregashon segun ku e formularionan bira disponibel. Riba e lista di empake lo tin instrukshon kon pa parti e formularionan. Ora tin mas ku un kongregashon den un Salòn di Reino, e kordinadó di literatura mester hasi sigur ku kada kongregashon ta risibí su stòk di formulario asina ku nan yega.

◼ Kòrda ku ta importante pa hasi notanan breve na e Kongreso di Distrito “Kana ku Dios.” Esaki lo yuda bo partisipá den e repaso oral ku lo ser programá den Reunion di Sirbishi mas despues durante aña.