Anunsio

◼ Oferta di literatura di 1-17 di òktober: E revistanan Toren di Vigilansia i Spièrta! Kaminda hende mustra interes, ofresé e foyeto Rekerí, i hasi esfuerso spesial pa kuminsá studio di Beibel. 18 di Òktober–14 di Novèmber: Kampaña spesial pa distribuí e foyeto Keda Vigilá! 15-30 di Novèmber: Siña for di e Gran Maestro. Si e personanan bisa ku nan no tin yu, ofresé e foyeto Rekerí. Ora usa e foyeto, konsentrá riba kuminsá studio di Beibel. Desèmber: E homber mas importante cu hamás a biba. Si boso no tin esei, por ofresé tambe E Bijbel—e Palabra di Dios of e palabra di hende?, Mi buki di relato bíblico i e foyeto Disfruta di bida riba tera pa semper! Yanüari: Por ofresé kualke buki di 192 página ku su blachinan ta bira hel òf ta kambia koló òf kualke buki ku a ser publiká promé ku 1990. Kongregashonnan ku no tin ningun di e bukinan mas bieu aki por ofresé E Secreto pa Felicidad den Famia.

◼ E suplemento di e edishon aki di Nos Ministerio di Reino ta e “Programa pa Skol di Ministerio Teokrátiko pa 2005.” Ward’é komo referensia pa henter aña 2005.

◼ Ofisina di sukursal no ta atendé pedido pa literatura di publikadó individual. E superintendente presidente mester sòru pa tur luna hasi un anunsio promé ku manda e kongregashon su pedido mensual di literatura pa sukursal, ya asina tur ruman ku ta interesá pa haña literatura por hasi nan pedido serka e ruman ku ta enkargá ku literatura. Por fabor, tene na mente kua publikashon ta artíkulo di pedido spesial.