Anunsio

◼ Oferta di literatura di desèmber: E homber mas importante cu hamás a biba. Si boso no tin esei, por ofresé tambe E Bijbel—e Palabra di Dios of e palabra di hende?, Mi buki di relato bíblico i e foyeto Disfruta di bida riba tera pa semper! Yanüari: Por ofresé kualke buki di 192 página ku su blachinan ta bira hel òf ta kambia koló òf kualke buki ku a ser publiká promé ku 1990. Kongregashonnan ku no tin ningun di e bukinan mas bieu aki por ofresé E Secreto pa Felicidad den Famia. Febrüari: Hala Serka Yehova. Kongregashon ku no tin e publikashon aki por usa e buki Bida—Kon El A Presentá? Dor di Evolushon òf Kreashon? (tamaño grandi òf chikitu) òf Revelacion—su gran culminacion ta cerca! Mart: Ofresé e foyeto Keda Vigilá! Si un hende mustra berdadero interes, introdusí e buki Conocimentu i hasi esfuerso pa kuminsá un studio di Beibel.

◼ E seri “Komprondé pa Bo Dòkter” ku lo aparesé den e edishon di Spièrta! di 8 di febrüari 2005, ta spesialmente prepará pa yuda hende trata nan dòkter ku mas konsiderashon. Sin embargo, siendo ku e artíkulonan ta splika dikon Beibel su mensahe di speransa a atraé algun dòkter, lo e ta di interes pa nan tambe. Kisas lo bo deseá di pidi algun ehemplar èkstra, anto hasi un esfuerso spesial pa duna un kopia tantu na bo dòkter komo na otro profeshonalnan den kuido médiko. Na e otro idiomanan e artíkulonan aki lo sali den e edishon di 22 di yanüari 2005. Si e kongregashon tin mester di un pedido mas grandi di e revista aki, nan mester notifiká sukursal mesora.

◼ Pronto nos lo manda pa boso kongregashon e invitashonnan pa Memorial 2005 den e idioma prinsipal di kada kongregashon. Si tin hende di otro idioma den boso teritorio i boso kier invitashon den e idiomanan ei, mester hasi pedido pa nan mesora riba un Formulario di Pedido di Literatura (S-14). Den e karta “Anunsio pa Tur Kongregashon” ku tur kongregashon ta haña kada luna lo menshoná e idiomanan den kua e invitashonnan pa Memorial ta disponibel. Por fabor, pidi solamente e idiomanan nesesario pa boso teritorio.

◼ Por fabor, tuma nota ku e Memorial pa aña 2006 lo kai riba djarason 12 di aprel, despues ku solo baha. Nos ta duna e aviso delantá aki pa asina rumannan por hasi reservashon òf sera kontraktnan nesesario pa salanan disponibel si tin vários kongregashon ta usa e mesun Salòn di Reino i mester buska otro kaminda pa reuní. Den kasonan asina, ansianonan mester tin un akuerdo ku gerensia di e lugá ku ta sigurá nan ku lo no tin bochincha di otro aktividat den e edifisio, ya asina e selebrashon di Memorial por tuma lugá trankil i ordená.

◼ Debí n’e importansia di Memorial, e kuerpo di ansiano, ora di asigná e oradó pa Memorial, mester skohe un di e ansianonan mas kualifiká en bes di simplemente duna kada un bùrt òf usa e mesun ruman tur aña. Si tin un ansiano di e klase ungí ku por duna e diskurso, mester asigná é.

◼ Kuminsando for di e siman di 27 di yüni 2005, nos lo studia e buki Presta Atencion na e Profecia di Daniel! na Studio di Buki di Kongregashon.

◼ Den e edishon aki di Nos Ministerio di Reino, tin un artíkulo titulá: “Kon pa Yuda Hende Ku Ta Papia un Otro Idioma.” Esaki ta un tradukshon di e informashon na página dos di e foyeto Bon Nobo pa Hende di Tur Nashon ku nos a haña na e kongreso di e aña aki. E página aki ta splika kon pa usa e foyeto nobo aki. P’esei nos ta rekomendá pa bo warda e página aki, ya bo por konsult’é den futuro.