Anunsio

◼Oferta di literatura pa febrüari: Hala Serka Yehova. Kongregashon ku no tin e publikashon aki por usa e buki Bida—Kon El A Presentá? Dor di Evolushon òf Kreashon? (tamaño grandi òf chikitu) òf Revelacion—su gran culminacion ta cerca! Mart: Ofresé e foyeto Keda Vigilá! Si un hende mustra berdadero interes, introdusí e buki Conocimentu i hasi esfuerso pa kuminsá un estudio di Beibel. Aprel ku mei: Ofresé ehemplarnan individual di tantu E Toren di Vigilansia komo Spièrta! Ora di rebishitá hende interesá, bishitá tambe hendenan ku sa asistí na Memorial òf otro eventonan teokrátiko pero ku no ta asosiá aktivamente ku e organisashon. Ofresé prinsipalmente e buki Adorá e Úniko Dios Berdadero. E meta ta pa kuminsá un estudio di Beibel, spesialmente ku hende ku a studia e buki Conocimentu i e foyeto Rekerí kaba.

◼ E superintendente presidente òf un ruman asigná dor di dje mester kontrolá e kuentanan di kongregashon dia 1 di mart òf mas pronto posibel despues di esei. Si boso tin un kuenta koriente separá pa por ehèmpel mantenshon i konstrukshon, mester hasi areglo pa kontrolá e kuenta aki tambe. Ora esei(nan) tuma lugá, hasi un anunsio n’e kongregashon despues ku lesa e siguiente informe di kuenta.

◼ E sekretario i e superintendente di sirbishi mester repasá e aktividat di tur pionero regular. Si un di nan tin problema pa alkansá e rekisito di ora, e ansianonan mester hasi areglo pa dun’é yudansa. Pa haña sugerensia, repasá e kartanan anual S-201-PA.

◼ E tema di e diskurso spesial pa e temporada di Memorial 2005 lo ta “Pakiko Hesus A Sufri i Muri?” Wak e anunsio relashoná ku esaki den Nos Ministerio di Reino di sèptèmber 2004.

◼ Ta bon pa tur hende ta presente na e Reunion Públiko riba djadumingu, 20 di mart. Lo tin un anunsio spesial en konekshon ku un provishon ku lo ser hasí disponibel pa publikadónan.

◼ Ofisina di sukursal no ta atendé pedido pa literatura di publikadó individual. E superintendente presidente mester sòru pa tur luna hasi un anunsio promé ku manda e kongregashon su pedido mensual di literatura pa sukursal, ya asina tur ruman ku ta interesá pa haña literatura por hasi nan pedido serka e ruman ku ta enkargá ku literatura. Por fabor, tene na mente kua publikashon ta artíkulo di pedido spesial.