Anunsio

◼ Oferta di literatura pa mart: Ofresé e foyeto Keda Vigilá! Si un hende mustra berdadero interes, introdusí e buki Conocimentu i hasi esfuerso pa kuminsá un estudio di Beibel. Aprel ku mei: Ofresé ehemplarnan individual di tantu E Toren di Vigilansia komo Spièrta! Ora di rebishitá hende interesá, bishitá tambe hendenan ku sa asistí na Memorial òf otro eventonan teokrátiko pero ku no ta asosiá aktivamente ku e organisashon. Ofresé prinsipalmente e buki Adorá e Úniko Dios Berdadero. E meta ta pa kuminsá un estudio di Beibel, spesialmente ku hende ku a studia e buki Conocimentu i e foyeto Rekerí kaba. Yüni: Siña for di e Gran Maestro. Si e personanan bisa ku nan no tin yu, ofresé e buki Felicidad den Famia òf e buki Conocimentu. Hasi esfuerso pa kuminsá estudio di Beibel.

◼ Kongregashonnan mester saka e ehemplarnan nobo di E Toren di Vigilansia i Spièrta! asina ku nan yega. Esaki lo permití e publikadónan familiarisá nan mes ku e kontenido promé ku nan ofresé e revistanan den sirbishi di vèlt. E publikadónan mester haña Nos Ministerio di Reino tambe asina ku e yega. Lo por distribuí esaki na e Estudio di Buki di Kongregashon.

◼ Ora ku bo inkluí den bo plannan di biahe pa asistí na e reunionnan di kongregashon, òf na un asamblea òf kongreso di distrito den un otro pais, bo mester dirigí bo petishon pa haña informashon tokante fecha, ora i sitio di reunion na e ofisina di sukursal ku ta supervisá e obra den e pais ei. Por haña adrès di ofisinanan di sukursal na e último página di e Anuario mas nobo.

◼ Sekretarionan di kongregashon mester mantené un kantidat adekuá di e Solisitut pa Sirbishi di Pionero Regular (S-205-PA) i Solisitut pa Sirbishi di Pionero Ousiliar (S-205b-PA). Por hasi pedido pa nan riba e Formulario di Pedido di Literatura (S-14). Tene un stòk di por lo ménos un aña.

◼ Stòk di Beibel Santu a kaba temporalmente na sukursal. E pedidonan ku nos tin aktualmente di e kongregashonnan lo keda pendiente. Asina ku haña stòk nobo nos lo manda nan. Nos ta spera di haña un stòk nobo rònt di ougùstùs 2005.

◼ Memorial lo ta riba djaweps, 24 di mart 2005. Si boso kongregashon normalmente tin reunion riba djaweps, mester kambia esaki pa un otro dia di siman si e Salòn di Reino ta disponibel. Si esaki no ta posibel i esei lo afektá boso Reunion di Sirbishi, por inkorporá e partinan ku ta partikularmente aplikabel na boso kongregashon den un otro Reunion di Sirbishi.

◼ Vários publikadó a bèl sukursal relashoná ku sierto grabashonnan di kantika di Reino kantá na estilo popular ku aktualmente ta sirkulá entre Testigunan di Yehova. E publikadónan kier a sa si e grabashonnan aki tin e aprobashon di e organisashon. Nos ta na haltura di e grabashonnan aki i lo ke informá boso ku nan no tin nos aprobashon. Por fabor, no sirkulá nan ni baha nan for di Internet. Nos ta spera ku e informashon aki ta klarifiká e asuntu.