Anunsio

◼ Oferta di literatura pa sèptèmber: Ofresé e buki Loke hovenan sa puntra—Contesta práctica. Òf komo alternativa por ofresé bukinan bieu ku e kongregashon tin den stòk. Si e doño di kas no ta deseá e buki, ofresé e foyeto Keda Vigilá! Òktober: Ofresé ehemplarnan lòs di E Toren di Vigilansia i Spièrta! Kaminda hende mustra interes, ofresé e foyeto Rekerí. Novèmber: Ofresé e buki Siña for di e Gran Maestro. Si un persona bisa ku e no tin yu, ofres’é e buki Conocimentu òf e tratado Lo Bo Kier Sa Mas Tocante Bijbel? Desèmber: Ofresé e buki E homber mas importante cu hamás a biba. Òf komo alternativa por ofresé Bo por biba pa semper den Paradijs riba tera, E Bijbel—e Palabra di Dios of e palabra di hende? òf Mi buki di relato bíblico si e kongregashon tin nan na stòk.

◼ Ofisina di sukursal no ta atendé pedido pa literatura di publikadónan individual. E superintendente presidente mester sòru pa tur luna hasi un anunsio promé ku manda e kongregashon su pedido mensual di literatura pa sukursal, ya asina tur ruman ku ta interesá pa haña literatura por hasi nan pedido serka e ruman ku ta enkargá ku literatura. Por fabor, tene na mente kua publikashon ta artíkulo di pedido spesial.

◼ Nos kier rekordá ansianonan pa sigui e instrukshonnan na página 23-4 di E Toren di Vigilansia 1 di òktober 1991 (na spañó, 15 aprel 1991, página 21-3), relashoná ku personanan ekspulsá òf desasosiá ku kisas ta deseá di ser restablesé.

◼ E diskurso spesial pa e temporada di Memorial 2006 lo ser duná riba djadumingu 30 di aprel. Lo anunsiá e tema di e diskurso despues. E kongregashonnan ku tin e bishita di e superintendente di sirkuito òf un asamblea e fin di siman ei lo tene e diskurso spesial e siguiente siman. Ningun kongregashon no mester tene e diskurso spesial promé ku 30 di aprel 2006.

◼ Òktober lo ta un bon luna pa traha pionero ousiliar, ya ku e tin sinku fin di siman kompletu.

◼ Kongregashonnan mester kuminsá hasi pedido pa volúmen di E Toren di Vigilansia i Spièrta! di 2005 i Watchtower Library—2005 riba CD-ROM, den nan siguiente pedido di literatura. Den e karta “Anunsio pa Tur Kongregashon” ku tur kongregashon ta haña kada luna lo menshoná e idiomanan den kua e artíkulonan aki ta disponibel. Tuma nota por fabor, ku e Watchtower Library—2005 ta un provishon pa miembronan batisá di e kongregashon i ku e ta disponibel solamente via kongregashon.

◼ Durante e aña di sirbishi 2006 tur ruman ku ta traha komo pionero ousiliar durante e luna den kua e kongregashon tin e bishita di e superintendente di sirkuito, por asistí na e promé parti dje reunion ku ta ser tené ku e pioneronan durante e siman di bishita. Tur esnan ku por hasi esei ta ser animá pa benefisiá di e areglo spesial aki.