Un Ehèmpel pa Hende di Tur Edat

E tabatin un relashon kaluroso i íntimo ku Dios. El a dediká su bida na hasimentu di e boluntat di Yehova. E “tabata kana ku Dios,” i p’esei mes Yehova a bendishon’é. E hòmber aki tabata Noe, un ehèmpel ku grandi i chikitu mester imitá. (Gén. 6:9) E vidio Noe A Kana ku Dios lo yuda bo visualisá ki klase di bida Noe tabatin, dikon el a meresé Yehova su bendishon, i kon abo por imitá su bon kualidatnan.

E DVD di e vidio di Noe tin e siguiente kwes. Wak e vidio i despues hasi bo mes e preguntanan aki: (1) Ki kos malu algun angel a hasi, i ken e nèfilim òf gigantenan tabata? (Gén. 6:1, 2, 4) (2) Kon bin algun hende a bira asina malbado i kon Dios a sinti tokante esaki? (Gén. 6:4-6) (3) Kiko a hasi Noe diferente? (Gén. 6:22) (4) Kon Dios a destruí e malbadonan? (Gén. 6:17) (5) Kon grandi e arka tabata? (Gén. 6:15) (6) Kiko mas Noe a hasi, i kon e hendenan a reakshoná? (Mat. 24:38, 39, NW; 2 Ped. 2:5) (7) Kuantu di kada animal tabatin den e arka? (Gén. 7:2, 3, 8, 9) (8) Kuantu tempu áwaseru a kai, i pa kuantu tempu tera a keda kompletamente bou di awa? (Gén. 7:11, 12; 8:3, 4) (9) Dikon Noe i su famia a sobrebibí? (Gén. 6:18, 22; 7:5) (10) Na unda e arka a pisa tera? (Gén. 8:4) (11) Kon Noe por a sa ku tabata safe pa sali for di e arka? (Gén. 8:6-12) (12) Kiko Noe a hasi ora el a sali for di e arka? (Gén. 8:20-22) (13) Kiko regenbog ta representá? (Gén. 9:8-16) (14) Kiko ke men “kana ku Dios”? (Gén. 6:9, 22; 7:5) (15) Kiko nos tin ku hasi pa nos por mira Noe den Paradeis? (Mat. 28:19, 20; 1 Ped. 2:21)

Ki lès for di e relato bíbliko di Noe, un hòmber fiel i obedesidu, por yuda abo tambe “kana ku Dios” i konfia ku Yehova por libra su sirbidónan djawe?—Gén. 7:1; Pro. 10:16; Heb. 11:7; 2 Ped. 2:9.