Kiko Nos Por Bisa di e Revistanan

E Toren di Vigilansia 1 di Yüni

“Den mayoria kultura tabatin un tempu ku hende tabata trata nan grandinan ku rèspèt manera e lei aki di hopi tempu pasá ta bisa. [Lesa Levítiko 19:32.] Bo ta kere ku e rèspèt ei ta eksistí ainda? [Permití e persona kontestá.] E revista aki ta splika kuantu interes Dios tin den hende grandi i kon nos tambe por mustra e interes ei.”

¡Despertad! Yüni

“Terorismo no ta algu nobo, pero awendia el a bira un fenómeno mundial ku ta afektá bida di kasi tur hende. Segun abo, kiko ta e motibu? [Permití e persona kontestá.] E ¡Despertad! aki ta splika a base di Beibel na ki tempu terorismo lo terminá i kon Dios lo trese berdadero pas riba tera.” Lesa Mikeas 4:4.

E Toren di Vigilansia 15 di Yüni

“Bo ta kere ku nos por ta felis apesar di e problemanan ku nos ta konfrontá? [Permití e persona kontestá.] E revista aki ta hala atenshon na un fuente di guia ku por yuda nos trata eksitosamente ku e desafionan di bida. E ta splika tambe kon berdadero speransa por sostené nos.” Lesa Revelashon 21:3, 4.

¡Despertad! Yüni

“Bo no ta kere ku e desasternan resien a mustra bon kla ku ta importante pa hende hasi kaso di spièrtamentu? [Permití e persona kontestá.] E artíkulo aki ta trata lèsnan ku sobrebibientenan di Orkan Katrina a siña for di nan eksperensia. Ademas, e ta menshoná un spièrtamentu ku nos tur awe mester hasi kaso di dje.” Hala atenshon na e artíkulo ku ta kuminsá na página 14.