Kaha di Pregunta

◼ Ta apropiá pa kompilá e material ku lo ser presentá den e Skol di Ministerio Teokrátiko i distribuyé pa otronan?

Por hasi esaki pa miembronan di famia i algun amigu íntimo, pa nan uso personal. Sin embargo, no mester hasi e material ei disponibel pa distribushon general ni pa bende pasobra esei lo ta un violashon di e leinan di derecho di outor.—Rom. 13:1.

Pa sierto asignashon den e Skol di Ministerio Teokrátiko, ta un tema so tin; no tin ningun referensia na fuente di informashon. Lo ta benefisioso pa un ruman prepará un lista di referensia òf kompilá fuente di informashon ku esnan ku risibí e asignashonnan ei lo por usa? Nò. Ni lo no ta apropiá pa kompilá e kontestanan riba e preguntanan den e Repaso di e Skol di Ministerio Teokrátiko pa otronan usa, ya ku esaki lo no yuda nan graba puntonan importante den nan mente. Kada studiante tin ku hasi su propio investigashon. Esaki ta un aspekto importante di e edukashon ku Yehova ta perkurá pa medio di e skol pa yuda nos papia e ‘lenga di esnan ku a wòrdu siñá.’—Isa. 50:4.