Anunsio

◼ Oferta di literatura pa yanüari: Por ofresé kualke buki di 192 página imprimí riba papel ku por kambia koló òf kualke buki ku a ser publiká promé ku 1991. Kongregashonnan ku no tin ningun di e bukinan mas bieu aki por ofresé e buki Conocimentu (si nan tin) òf e foyeto Keda Vigilá! Febrüari: Ofresé e buki E Secreto pa Felicidad den Famia. Mart: Kiko Beibel Ta Siña Realmente? Hasi esfuerso spesial pa kuminsá estudio di Beibel. April: Ofresé ehemplarnan lòs di tantu E Toren di Vigilansia komo ¡Despertad! Ora di rebishitá hende interesá, bishitá tambe hendenan ku sa asistí na Memorial òf otro eventonan teokrátiko pero ku no ta asosiá aktivamente ku e kongregashon. Ofresé prinsipalmente e buki Kiko Beibel Ta Siña Realmente? Nos meta mester ta pa kuminsá un estudio di Beibel den e buki ei.

◼ Mart lo ta un bon luna pa traha pionero ousiliar, ya ku e tin sinku fin di siman kompletu.

◼ Kuminsando na febrüari, i no mas tardá ku 2 di mart, e diskurso públiko nobo pa superintendentenan di sirkuito lo ta “Na Unda Bo Por Haña Yudansa den Tempu di Angustia?”

◼ Kongregashonnan mester hasi areglo apropiá pa tene e Memorial di e aña aki riba djasabra 22 di mart, despues ku solo baha. Maske e diskurso lo por kuminsá mas trempan, e pasamentu di e pan i e biña no mag kuminsá sino te despues ku solo baha. Konsultá ku outoridatnan lokal pa determiná ki ora solo ta baha den boso área. Ounke lo ta preferibel pa kada kongregashon tene nan propio selebrashon di Memorial, no ta tur biaha esaki ta posibel. Den kaso ku normalmente vários kongregashon ta usa e mesun Salòn di Reino, podisé un òf mas kongregashon por usa un otro fasilidat pa e anochi ei. Kaminda ta posibel, nos ta rekomendá un lapso mínimo di 40 minüt entre e programanan pa asina tur hende por benefisiá plenamente di poko asosiashon despues di Memorial. Tambe mester tene kuenta ku e asuntu di tráfiko i parkermentu; esei ta enserá kaminda pa baha pasahero for di outo òf pa rekohé nan. E kuerpo di ansiano mester disidí ki areglonan lo ta mihó lokalmente.

◼ Sekretarionan di kongregashon mester hasi sigur ku nan tin un karta di asignashon di pionero regular (S-202-PA) pa kada pionero regular den kongregashon. Si esei no ta e kaso, nan mester informá sukursal via karta.

◼ E siman di 4 di ougùstùs 2008 nos lo kuminsá studia e buki E Secreto pa Felicidad den Famia na Estudio di Buki di Kongregashon.