Anunsio

◼ Oferta di literatura pa febrüari: Ofresé e buki E Secreto pa Felicidad den Famia. Mart: Kiko Beibel Ta Siña Realmente? Hasi esfuerso spesial pa kuminsá estudio di Beibel. April ku mei: Ofresé ehemplarnan lòs di tantu E Toren di Vigilansia komo ¡Despertad! Ora di rebishitá hende interesá, bishitá tambe hendenan ku sa asistí na Memorial òf otro eventonan teokrátiko pero ku no ta asosiá aktivamente ku e kongregashon. Ofresé prinsipalmente e buki Kiko Beibel Ta Siña Realmente? Nos meta mester ta pa kuminsá un estudio di Beibel den e buki ei.

◼ Mart lo ta un bon luna pa traha pionero ousiliar, ya ku e tin sinku fin di siman kompletu.

◼ E sekretario i e superintendente di sirbishi mester repasá e aktividat di tur pionero regular. Si un di nan tin problema pa alkansá e rekisito di ora, e ansianonan mester hasi areglo pa dun’é yudansa. Pa haña sugerensia, repasá e kartanan anual S-201-PA.

◼ E tema di e diskurso spesial pa e temporada di Memorial 2008 lo ta “Ken Ta Kualifiká pa Goberná Humanidat?” Wak e anunsio relashoná ku esaki den Nos Ministerio di Reino di sèptèmber 2007.