Anunsio

◼ Oferta di literatura pa yanüari: Kiko Beibel Ta Siña Realmente? Trata na kuminsá un estudio durante e promé bishita. Si e doño di kas tin e buki kaba i no aseptá un estudio di Beibel, por laga revista ménos resien òf un foyeto ku tin un tópiko ku ta interesá e doño di kas. Febrüari: E Secreto pa Felicidad den Famia òf E Bijbel—e Palabra di Dios of e palabra di hende? Mart: Kiko Beibel Ta Siña Realmente? Aprel: E Toren di Vigilansia i ¡Despertad! Kaminda hende mustra interes, ofresé e tratado Bo Ke Haña Sa e Bèrdat?

◼ Kuminsando na febrüari, e diskurso públiko nobo pa superintendentenan di sirkuito lo ta “Bo Tin Konfiansa den Yehova?”

◼ Den e edishon pa públiko di La Atalaya di 1 di febrüari 2012 lo tin un seri nobo titulá “Mi Lèsnan di Beibel.” A krea e seri akí pa mayornan ku tin yu di sero pa tres aña. Lo varia e seri akí ku esnan di “Huki pa Hóbennan” i “Di Mayor pa Yu.”

◼ Kongregashonnan mester hasi e preparativonan apropiá pa tene e Memorial di e aña akí riba djaweps 5 di aprel, despues ku solo baha. Maske e diskurso lo por kuminsá mas trempan, pasamentu di e pan i e biña no mag kuminsá sino te despues ku solo baha. Konsultá ku outoridatnan lokal pa determiná ki ora solo ta baha den boso área. Aunke lo ta preferibel pa kada kongregashon tene su propio selebrashon di Memorial, no ta tur biaha esaki ta posibel. Den kaso ku normalmente vários kongregashon ta usa e mesun Salòn di Reino, podisé un òf mas kongregashon por usa un otro fasilidat pa e anochi ei. Kaminda ta posibel, nos ta rekomendá un lapso mínimo di 40 minüt entre e reunionnan pa asina tur hende por benefisiá plenamente di poko asosiashon despues. Tambe mester tene kuenta ku e asuntu di tráfiko i parkermentu, inkluso kaminda pa baha pasahero for di outo òf pa rekohé nan. E kuerpo di ansiano mester disidí kiko lo ta mihó lokalmente.