Anunsio

◼ Oferta di literatura pa òktober: E Toren di Vigilansia i ¡Despertad! Ora hasi rebishita, introdusí e buki Beibel Ta Siña òf, dependiendo di e nesesidat di e persona, e foyeto Skucha Dios òf Skucha Dios i Biba pa Semper, i purba kuminsá un estudio di Beibel. Novèmber i desèmber: Usa e tratado: Bo Ke Haña Sa e Bèrdat? Si e persona ta interesá, mustr’é kon studia Beibel for di e buki Beibel Ta Siña òf e foyeto Skucha Dios òf Skucha Dios i Biba pa Semper. Yanüari: Kiko Beibel Ta Siña Realmente? Trata na kuminsá un estudio di Beibel durante e promé bishita. Si e doño di kas tin e buki kaba i no aseptá un estudio di Beibel, por laga revista ménos resien òf un foyeto ku tin un tópiko ku ta interesá e doño di kas.

◼ Durante un Reunion di Sirbishi den yanüari nos lo trata e vidio Sin Sanger—Medisina Ta Aseptá e Reto. Si ta nesesario, mester bestèl e vidio òf DVD via kongregashon mas pronto posibel.

◼ Nos kier informá boso ku di awor padilanti nos lo publiká e artíkulonan di estudio di E Toren di Vigilansia lèter grandi riba www.jw.org. Ken ku ta deseá lo por download nan i prent nan pa su uso personal. E promé artíkulo di estudio disponibel riba e website ta korespondé ku e siman di 22-28 di òktober 2012.

◼ Na e kongresonan di distrito ku nos a tene pa tur e kuater idiomanan na Aruba i Kòrsou durante e luna di yüli 2012, un total di 5.434 persona a asistí i 57 a simbolisá nan dedikashon na Yehova mediante boutismo.