“Algun Sugerensia pa Ofresé Revista den . . .”

Tur luna den e Reunion di Sirbishi tin un sekshon tokante kon pa ofresé revista. Meta di e parti akí no ta pa repasá henter e kontenido di e revistanan, ma pa duna diferente sugerensia kon pa ofresé e revistanan. P’esei, di akuerdo ku e instrukshonnan, e ruman asigná mester duna un introdukshon masha breve i ku entusiasmo. Despues, e ta pidi esnan presente si nan por duna sugerensia riba e artíkulonan (òf seri di artíkulo) un pa un, di manera ku tur publikadó por sigui e sugerensianan den nan revista i tuma nota di esnan ku nan ke usa despues. En bes di laga e rumannan duna henter un presentashon, e ruman enkargá ku e parti mester pidi nan pa sugerí ki pregunta asina por kapta atenshon di e hendenan i ki teksto nan por lesa relashoná ku e artíkulonan. Finalmente, e ta konkluí ku un demostrashon pa kada revista. Ta bon pa nos lesa e revistanan promé ku nos bini reunion i prepará pa duna nos sugerensianan. Si nos tur prepará bon, e parti akí lo yuda nos hasi otro skèrpi.—Pro. 27:17, NW.