Bisa e Motibu di Bo Bishita

Ora un doño di kas habri su porta i mira nos pará einan, e ke sa ta ken nos ta i pakiko nos a bini su kas. Kiko nos por bisa den nos introdukshon pa trankilis’é? Algun publikadó sa bisa mesora e motibu di nan bishita. Despues di kumindá e doño di kas, nan ta bisa: “Mi ta duna lès di Beibel grátis” òf “Mi ta di bishita awe pa papia di un problema ku ta preokupá hopi hende den bo bisindario: kriminalidat,” i despues e ta hasié un pregunta. Asina ku e doño di kas sa e motibu di e bishita, kisas e ta mas dispuesto pa sigui skucha e mensahe.