Yehova Nunka Ta Lubidá Nos Bon Obranan

Tur sirbidó di Yehova por hasi bon obra ku Yehova lo keda kòrda pa semper. Meskos ku un mayor amoroso no ta lubidá e kosnan bon ku su yunan a logra, asina tambe Yehova no ta lubidá nos trabou i e amor ku nos ta mustra pa su nòmber. (Mat 6:20; Heb 6:10) Ta klaru ku nos kada un su abilidat, kapasidat i sirkunstansia ta diferente for di otro. Sinembargo, nos tur por ta felis ora nos ta hasi nos máksimo esfuerso den nos sirbishi na Yehova. (Gal 6:4; Kol 3:23) Atraves di aña, míles di ruman a sirbi na Bètel. Abo lo por sirbi komo boluntario na Bètel? Si no ta asina, bo por animá un otro ruman ku sí por hasi esei? Òf bo por yuda un persona ku ta sirbi na Bètel pa e sigui sirbi den e manera spesial akí?

WAK E VIDIO HASI BO MES DISPONIBEL PA SIRBI NA BÈTEL, I DESPUES KONTESTÁ E SIGUIENTE PREGUNTANAN:

• Kiko mester ta bo motivashon pa sirbi na Bètel?

• Kiko algun ruman a bisa tokante e bendishonnan ku nan ta risibí trahando na Bètel?

• Kiko ta e rekisitonan pa por sirbi na Bètel?

• Kon bo por apliká pa sirbishi di Bètel?