Hóbennan—Laga Boso Mayornan Sa Kiko Tin den Boso Kurason

Dikon bo mester bisa bo mayornan loke bo ta pensa? (Pro 23:26) Pasobra Yehova a duna nan e responsabilidat di kuida bo i guia bo. (Sl 127:3, 4) Ta difísil pa bo mayornan yuda bo si bo ta skonde tur bo preokupashonnan for di nan. Ademas, lo bo no benefisiá di e eksperensia ku nan a haña den bida. Ta malu pa tene sierto pensamentunan pa bo mes? No nesesariamente. Pero tene kuidou pa no laga bo mayornan pensa algu ku no ta bèrdat.—Pro 3:32.

Kon bo por papia ku bo mayornan? Purba di skohe un orario ku ta bon pa bo i pa nan. Si bo ta sinti ku esei ta difísil, bo por skirbi un karta pa un di nan pa laga nan sa kon bo ta sinti. Awor kiko si nan ke papia tokante algu ku abo no tin gana di papia tokante dje? Kòrda ku nan ègt ke yuda bo. Mira bo mayornan komo amigu i no komo enemigu. E esfuerso ku bo ta hasi pa laga bo mayornan sa kiko bo ta pensa lo benefisiá bo pa restu di bo bida, esta, bida eterno!—Pro 4:10-12.

WAK E VIDIO MI BIDA KOMO TINER—KON MI POR PAPIA KU MI MAYORNAN? I DESPUES KONTESTÁ E SIGUIENTE PREGUNTANAN:

• 

  Kiko Esther i Partik a realisá tokante nan mes?

• 

  Kiko bo por siña for di Hesus su ehèmpel?

• 

  Kon bo mayornan a demostrá ku nan ta interesá den bo?

• 

  Ki prinsipio di Beibel por yuda bo pa bo por papia ku bo mayornan?