Usa Bo Por Disfrutá di Bida pa Semper! pa Kultivá Fe den Yehova i Hesus

Un studiante di Beibel mester kultivá un fe fuerte pa e por agradá Dios. (Heb 11:6) Nos por yuda nan hasi esaki usando e buki Bo Por Disfrutá di Bida pa Semper! E buki di estudio akí ta usa teksto di Beibel klave, rasonamentu lógiko, bon pregunta, vidio interesante i bunita plachi. Si nos yuda nos studiantenan di Beibel kultivá kualidat kristian i un bon relashon ku Dios, nos lo yuda nan kultivá un fe fuerte. Lo ta komo si fuera nan fe ta trahá ku material ku ta resistí kandela.—1Ko 3:12-15.

Algun hende ta haña ku ta difísil pa bira amigu di Dios pasobra nan no por mir’é. Pues, nos tin ku yuda nan siña konosé Yehova i konfia den dje.

WAK E VIDIO USA “BO POR DISFRUTÁ DI BIDA PA SEMPER!” PA KULTIVÁ FE DEN YEHOVA I DESPUES KONTESTÁ E SIGUIENTE PREGUNTANAN:

• Kon nos por mira ku e ruman muhé a prepará bon pa e estudio?

• Kon el a usa bon pregunta adishonal pa yuda e studiante ekspresá kon e ta sinti tokante Isaías 41:10, 13?

• Ki efekto e vidio i versíkulo di Beibel tabatin riba e studiante?

Hopi hende no ta komprondé kiko e reskate ta òf nan no ta mir’é komo un regalo personal ku Dios a duna nan. (Gal 2:20) P’esei, nos mester yuda nan pone fe den e sakrifisio di reskate di Hesus.

WAK E VIDIO USA “BO POR DISFRUTÁ DI BIDA PA SEMPER!” PA KULTIVÁ FE DEN HESUS I DESPUES KONTESTÁ E SIGUIENTE PREGUNTANAN:

• Kon nos por mira ku e ruman hòmber a prepará bon pa e estudio?

• Kon el a usa e material den e sekshon “Mas Informashon Interesante” i adapt’é pa yuda e studiante?

• Dikon ta importante pa hasi orashon pa e studiante?