Usa e Regalo Ku Dios A Duna Bo

Nos gusta e animashon ku nos ta haña ora nos pasa tempu ku nos rumannan. Pero pa tur hende saka benefisio di e animashon ei, nos tin ku hasi mas ku djis ta huntu. Beibel ta yama nos abilidat di animá otro su fe “un regalo.” (Rom. 1:​11, 12, nota) Ban wak kon nos por usa e regalo ei.

Animá otro ku palabra. Por ehèmpel, ora di duna komentario na reunion, tene kuidou pa bo no papia muchu tokante bo mes ideanan òf tokante bo mes bida. Mas bien, papia tokante loke bo a siña di Yehova, su Palabra i su sirbidónan fiel. Ora bo ta kòmbersá ku bo rumannan, skohe pa papia tokante kosnan positivo ku ta fortalesé nan fe.

Animá otro ku bo desishonnan i akshonnan. Por ehèmpel, kisas bo a disidí di keda den e trabou di tempu kompleto apesar ku esei no ta fásil pa bo. Otro rumannan por ripará esei i esei por animá nan. Òf kisas nan ta mira ku bo no ta falta bo reunionnan di den siman maske kon kansá bo ta despues di un dia di trabou pisá òf maske ku bo ta lucha ku salú.

Abo ta animá bo rumannan ku loke bo ta bisa i hasi? Anto bo ta paga tinu ora otro rumannan ta purba di animá abo?