Armagedon Lo Kuminsá na Israel?—Kiko Beibel Ta Bisa?

Beibel ta bisa ku Armagedon ta un guera mundial, esta, un guera entre tur gobièrnu humano i Dios. Beibel no ta bisa ku Armagedon ta un guera ku ta tuma lugá na un lugá so.

• “Palabra inspirá pa demoño . . . ta bai serka e reinan di henter e tera habitá pa reuní nan huntu pa e guera ku lo tuma lugá riba e gran dia di Dios, e Todopoderoso. . . . Nan a reuní e reinan huntu na e lugá ku na hebreo yama Armagedon.”—Revelashon 16:14, 16.

E palabra “Armagedon” ta bini di e palabra hebreo Har Megidon, ku ta nifiká “Seru di Megido.” Den antigwedat, Megido tabata un stat na Israel. P’esei, algun hende ta kere ku Armagedon lo tuma lugá na Israel. Sinembargo, ni e region Megido ni otro lugá na Medio Oriente no ta sufisientemente grandi pa kontené tur “e reinan di henter e tera habitá” i nan ehérsitonan.

E buki di Beibel Revelashon ta kontené hopi kos simbóliko. E ta skirbí na un idioma figurativo. (Revelashon 1:1) Armagedon no ta referí na un lugá literal. E ta referí na un situashon den kua tur e nashonnan ta sera kabes pa bringa kontra Dios.—Revelashon 19:11-16, 19-21.