Testigunan di Yehova Ta Kristian?

Sí. Nos ta kristian pa e siguiente motibunan:

• Nos ta hasi esfuerso pa sigui e pasonan di Hesukristu fielmente i pa biba di akuerdo ku su siñansanan.—1 Pedro 2:21.

• Nos ta konvensí ku Hesus ta hunga un papel klave den nos salbashon. P’esei, Beibel ta bisa ku “no tin niun otro persona riba tera ku Dios a skohe for di entre hende pa salba nos.”—Echonan 4:12.

• Ora un hende bira un Testigu di Yehova, e ta batisá den nòmber di Hesus.—Mateo 28:18, 19.

• Nos ta hasi orashon den nòmber di Hesus.—Huan 15:16.

• Nos ta kere ku Hesus ta kabes di tur hende hòmber.—1 Korintionan 11:3.

Sinembargo, riba vários punto nos ta diferente for di otro grupo religioso ku ta yama nan mes kristian. Por ehèmpel, nos a yega na e konklushon ku Beibel ta siña ku Hesus ta e Yu di Dios, i no parti di un Trinidat. (Marko 12:29) Nos no ta kere ku alma ta inmortal, ku Beibel ta apoyá e idea ku Dios ta torturá hende den un fièrnu eterno òf ku lider religioso lo mester tin título ku ta hasi nan mas importante ku otro hende.—Eklesiástes 9:5; Ezekiel 18:4; Mateo 23:8-10.