Bo Sa E Contesta?

1. Kico Jesus a haci pa duna su apostelnan un les den humildad i pa ta dispuesto pa sirbi sin haci distincion? (Juan 13:12)

2. Cu e sombra agradabel di cua palu e mucha muher sulamita a compará e expresionnan di amor di parti di su compañero wardadó di carné? (Cantica di Sálomon 2:3)

3. Segun Santiago, un hende mester haci kico cu su lenga pa su “forma di adoracion” no ta “en bano”? (Santiago 1:26)

4. Cua tabata e obra di creacion terenal di Dios cu Bijbel a mencioná te na último? (Génesis 2:22; 3:20)

5. Ken a instigá e lantamentu dje stad di Síkem contra Abímelec, cu a hiba na destruccion dje stad? (Huesnan 9:28)

6. Cua tabata e nomber amoreo pa ceru Hermon? (Deuteronomio 3:9)

7. Ora e israelitanan a cansa di come mana den desierto, kico nan a sclama p’e? (Númeronan 11:4)

8. Na cua haf Pablo a pasa pa un otro boto ora nan tabata hib’é como prizonero for di Cesarea pa Roma? (Echonan 27:5)

9. Kico tabata e cosnan detestabel cu Ezekiel a mira den vision cu hende tabata haci n’e tempel di Jerusalem? (Ezekiel 8:9-16)

10. Cua partinan dje imágen dje soño di Nabucodonosor tabata di plata? (Daniel 2:32)

11. Kico Jesus a haci ora lidernan religioso hudiu den e tempel a purba piedr’é? (Juan 8:59)

12. Kico Moises a haci ora su cara tabata briya asina tantu cu e israelitanan no por a wak e? (Exodo 34:35)

13. Ken tabata Moises su tata? (Númeronan 26:59)

14. Como cu Zelofehad no tabatin yu homber, kico Jehova a decretá? (Númeronan 27:1-8)

15. Ken e bisiñanan na Názaret a identificá como rumannan homber di Jesus? (Marco 6:3)

16. Relacioná cu e carta pa Filemon, kico fuera di su custumber Pablo a haci? (Filemon 19)

17. Di con Jeremías a cumpra un pida tereno tempu cu e babilonionan tabatin Jerusalem sitiá? (Jeremías 32:8-15, 44)

18. Kico un demoño a roga Jesus pa no haci cuné? (Lucas 8:28-31)

19. Kico Adam a duna tur bestia? (Génesis 2:20)

20. Cua muher no-israelita a actua cu curashi i a mata Sísara? (Huesnan 4:21)

21. A yama e corintionan “un carta” skirbí di ki manera? (2 Corintionan 3:3)

22. Ki daño Pedro a causa Malco cu su spada? (Juan 18:10)

23. Segun un proverbio, kico “un mucha homber lagá pa su cuenta” lo trece pa su mama? (Proverbionan 29:15)

24. Cu kico Proverbionan ta compará un muher cu ta bunita di pafó, pero cu no ta sensato? (Proverbionan 11:22)

25. Ki spiertamentu Jesus a duna pa enfatisá e bobedad di bolbe bek na cosnan lagá atras? (Lucas 17:31, 32)

Contestanan dje Kwes

1. El a laba nan pia

2. Apel

3. Fren’é

4. Eva

5. Gal, un yu di Ebed

6. Senir

7. Carni

8. Mira

9. Tabatin 70 anciano ta adorá grabacion idólatra riba muraya, muher ta yora e dios babilonio Tamuz, i 25 apóstata ta adorá solo

10. E pechu i e brasanan

11. El a sconde i a sali for dje tempel

12. El a tapa su cara cu un velo

13. Amram

14. Cu su yu muhernan mester a ricibí su herencia di tera

15. “Santiago i José i Hudas i Simon”

16. El a skirbié cu su mes man

17. Esei mester a representá e futuro restoracion, ora cu, despues di 70 aña den exilio, lo cumpra tereno atrobe na Huda

18. Pa no ‘torment’é’ i manda e huntu cu e otro demoñonan cu tabata cuné bai den abismo

19. Nomber

20. Jael

21. Riba curason, “cu spiritu di un Dios bibu”

22. Kita su orea afó

23. Bergwensa

24. “Un renchi di oro pa nanishi den e nanishi di un porco”

25. “Corda e esposa di Lot”