Bo Sa E Contesta?

(Por haña e contestanan dje kwes aki den e textonan di Bijbel duná, i e lista completo di contesta ta imprimí na página 30. Pa mas informacion, consultá e publicacion na spañó “Perspicacia pa Comprendé e Scritura,” publicá dor di Watchtower Bible and Tract Society of New York, Inc.)

1. Kico e Scritura ta bisa tin “reservá pa semper” pa hende malbado i apóstata? (Hudas 13)

2. Kico no a tuma lugá promé cu vegetacion a aparecé riba e di tres dia di creacion? (Génesis 2:5)

3. Di con Jehova a manda colebra venenoso entre e israelitanan? (Númeronan 21:5-7)

4. Segun Bijbel, ta kico Jehova so ta den e sentido absoluto? (Salmo 18:30)

5. Segun Pablo, amor no ta alegrá riba kico? (1 Corintionan 13:6)

6. Cua ta e tres hombernan cu a trece artículonan cu David tabatin hopi mester di dje ora el a hañ’é ta hui di Jerusalem pa motibu dje rebelion di Absalom? (2 Samuel 17:27-29)

7. Kico Bijbel ta yama Jehova pasobra e ta un haltura sigur i un refugio pa su pueblo? (Salmo 62:7)

8. Di con Efraim a yama su yu homber recien nací Berías, cu ta nificá “Cu Calamidad”? (1 Crónicanan 7:20-23)

9. Con Jesus a ilustrá e echo cu Dios lo a soru pa su sirbidónan tin paña pa bisti? (Lucas 12:27, 28)

10. Con grandi e forsa militar bou di Zérah e etiopio, cu Jehova a derotá dilanti Asa, tabata? (2 Crónicanan 14:9, 12)

11. Kico apostel Pablo a spierta tocante nos compañeronan? (1 Corintionan 15:33)

12. Kico e Reino di Dios lo haci cu tur reino di hende? (Daniel 2:44)

13. Con a identificá e cas di Rahab pa asina por a spar e cu su famia ora nan a destruí e stad di Jérico? (Hosué 2:18)

14. Con Hosué a capturá e stad di Ai? (Hosué 8:3-7)

15. Cuantu mana Jehova a manda Moises warda pa futuro generacionnan? (Exodo 16:32-34)

Contestanan dje Kwes

1. “E pretu di scuridad”

2. Awaceru

3. Pasobra nan a rebelá i keha contra Jehova

4. Perfecto

5. Inhusticia

6. Sobí, Makir i Barzilai

7. Un baranca

8. Pasobra e hombernan di Gat a mata su ruman hombernan mas grandi

9. El a papia dje adorno di leli

10. Un miyon homber

11. “Mal asociacion ta daña custumbernan útil”

12. Lo e aplastá i pone un fin na nan

13. Rahab a mara un cabuya di hilu corá den bentana

14. El a pone hombernan den emboscada parti patras dje stad i despues a lok e hendenan den e stad pa sali bai leu for di nan forti, dor di haci manera e tabata bati retirada

15. Un midí di omer