Nos Mester Confia Historia?

“Un conocimentu di historia ta duna . . . un sintimentu cu nos ta parti di un hermandad cu ta sigui atrabes di épocanan, for di hopi tempu promé cu nos a nace te hopi tempu despues cu nos muri.”—A COMPANION TO THE STUDY OF HISTORY, DI MICHAEL STANFORD.

SI NOS no sa kico a sosodé den pasado, nos ta falta algu importante den nos bida. Sin historia, abo, bo famia, bo tribu, of asta bo nacion lo parce di ta sin orígen, sin un pasado. E bida actual lo parce di ta sin fundeshi i casi sin niun sentido.

Historia por ta un inmenso depósito di les di bida. E por yuda nos evitá di cometé e mésun erornan bes tras bes. Manera un filósofo a declará, hende cu lubidá pasado ta keda condená na ripitié. Si nos conocé historia esei por yuda nos comprendé civilisacionnan di ántes, descubrimentunan asombroso, hendenan fasinante i diferente manera di mira cosnan.

Pero como cu historia ta trata cu hende i sucesonan di hopi tempu pasá, con nos por sa si nos por confi’é? Pa nos siña lesnan balioso for di historia, ta obvio cu e lesnan aki mester ta basá riba berdad. I ora nos descubrí e berdad, nos tin cu acept’é, maske no ta tur biaha e ta agradabel. Pasado por ta manera un hardin di cadushi: e tin su beyesa i su sumpiñanan; e por inspirá i e por hinca.

Den e siguiente artículonan nos lo considerá algun aspecto di historia cu por yuda nos evaluá e exactitud di loke nos ta lesa. Tambe nos lo considerá con historia auténtico por beneficiá e lector cu tin dicernimentu.

[Plachi na página 3]

Reina Nefertiti

[Plachi na página 3]

Ki lesnan nos por siña for di historia?

[Rekonosementu pa Potrèt na página 3]

Nefertiti: Ägyptisches Museum der Staatlichen Museen Preußischer Kulturbesitz, Berlin

Rand: Potret sacá pa cortesia di British Museum