E paradijs terenal

Hende di diferente rasa ta come huntu den paradijs

Jehova lo deshací completamente di tur e mal cosnan cu Satanas a haci. Jehova a haci Jesus e Rey riba tur e tera. Bou di su gobernacion e tera lo ser hací un paradijs.—Daniel 7:13, 14; Lucas 23:43.

Jehova ta primintí e cosnan aki:

ABUNDANCIA DI CUMINDA: “E tera mes siguramente lo duna su producto; Dios, nos Dios, lo bendicioná nos.” “Lo yega di tin abundancia di grano rib’e tera; rib’e top dje serunan lo tin un sobreabundancia.”—Salmo 67:6; 72:16.
NINGUN GUERA MAS: “Boso pueblo, bin, contemplá e actividadnan di Jehova, con el a causa sucesonan asombroso rib’e tera. E ta haciendo gueranan caba te n’e extremidad dje tera.”—Salmo 46:8, 9.
NINGUN MAL HENDE: “Pasobra malechornan mes lo ser cortá afó. . . I solamente un poco tempu mas i e malbado lo no t’ei mas; i siguramente lo bo duna atencion na su lugar i lo e no t’ei.”—Salmo 37:9, 10.
NINGUN MALESA, TRISTESA OF MORTO: “N’e tempu ei wowo di esnan ciegu lo ser habrí i e orea mes di esnan surdu lo ser destapá. N’e tempu ei esun coho lo subi net manera un biná ta haci i e lenga di esun muda lo sclama cu alegria.”—Isaías 35:5, 6.

“I Dios mes lo ta cu nan. I lo e seca tur lágrima for di nan wowo i lo no existí morto mas, ni yoramentu ni sclamamentu ni dolor lo no existí mas. E cosnan anterior a pasa caba.”—Revelacion 21:3, 4.

Contrali cu Satanas i e demoñonan, Jehova nunca ta gaña. Tur cos cu e ta primintí mester resultá berdad. (Lucas 1:36, 37) Jehova ta stimá bo i kier pa bo biba den e paradijs cu e lo traha. P’esei tuma contacto cu Testigonan di Jehova pa siña mas tocante e maraviyoso berdadnan hañá den Dios su Palabra. Si bo aplicá e berdad den bo bida, lo bo ser librá di sclabitud na falsedad, supersticion i ignorancia. Cu tempu, lo bo asta ser librá di sclabitud na picá i morto. Manera Jesus a bisa: “Boso lo conocé e berdad i e berdad lo haci boso liber.”—Juan 8:32.