KANTIKA 23
Yehova A Kuminsá Reina
1. Gloria na Dios nos Señor.
E ta reinando awor.
Piedra di Skina ta riba Sion.
Laga nos tur halsa bos;
kanta kontentu pa Dios.
Kristu ta Rei,
esei ta Dios su desishon.
(REFREIN)
Reino di Dios ta trese kiko?
Pleno hustisia i bèrdat.
Reino di Dios tin mas pa trese?
Bida sin fin, felisidat.
Alabá e Soberano
pa su⁀amor i su fieldat.
2. Ya Kristu ta koroná;
Armagedon ta⁀aserká.
Diabel su mundu lo ser aplastá.
Sin tarda, ban prediká;
tin hende pa alkansá.
Yuda tur mansu
sirbi Dios sin vasilá.
(REFREIN)
Reino di Dios ta trese kiko?
Pleno hustisia i bèrdat.
Reino di Dios tin mas pa trese?
Bida sin fin, felisidat.
Alabá e Soberano
pa su⁀amor i su fieldat.
3. Bùig pa nos Lider nombrá;
maravioso e ta.
Kristu ta bini den nòmber di Dios.
Drenta p’e porta real
di e gran kas spiritual.
Pronto tur pueblo
tin ku skucha na su bos.
(REFREIN)
Reino di Dios ta trese kiko?
Pleno hustisia i bèrdat.
Reino di Dios tin mas pa trese?
Bida sin fin, felisidat.
Alabá e Soberano
pa su⁀amor i su fieldat.
(Wak tambe 2 Sam. 7:22; Dan. 2:44; Rev. 7:15.)