Protehá Bo Kurason

1. Nos kurason t’e kos ku mas

nos tin ku protehá.

Tur kos ku tin skondí den dje,

nos Dios ta saminá.

Astuto kurason por ta;

nos por ser desviá.

Nos mente tin ku dirigié

pa nos ser aprobá.

2. P’esei, promé ku orashon,

nos tin ku meditá

pa⁀henter nos kurason ta kla,

habrí i enfoká.

Yehova meresé pa nos

ta fiel na su bèrdat.

Pues, entrená bo kurason

p’e stima lealtat.

3. No laga nada malu

okupá bo kurason.

Yen’é ku tur birtut i kos

di bon reputashon.

Yehova stima⁀esnan leal;

nan tin su bendishon.

Pa semper nos lo ador’é,

di⁀henter nos kurason.