LÈS 1

Un Bon Introdukshon

Echonan 17:22

RESÚMEN: Bo introdukshon tin ku lanta interes, indiká kiko ta bo tópiko i mustra pakiko e tópiko ta importante pa bo oyentenan.

Lanta interes. Bisa algu ku lo interesá bo oyentenan. Bo por skohe un pregunta, un deklarashon, un eksperensia di bida real òf un tópiko di notisia.

Pensa di antemano riba loke ta interesá i preokupá bo oyentenan, i adaptá bo introdukshon na esei.
Indiká kiko ta bo tópiko. Hasi sigur ku bo introdukshon ta laga bo oyentenan sa kiko ta e tópiko i propósito di bo presentashon.
Mustra pakiko e tópiko ta importante. Adaptá loke bo ta bisa na e nesesidatnan di bo oyentenan. Nan mester komprondé bon kla kon e tópiko por yuda nan personalmente.

Durante preparashon di un diskurso, puntra bo mes: ‘Kiko ta algun situashon ku e rumannan den mi kongregashon ta pasando aden?’ Anto, adaptá bo introdukshon na nan nesesidat.