LÈS 2

Papia Estilo di Kòmbersashon

2 Korintionan 2:17

RESÚMEN: Papia na un manera natural i di kurason.

Hasi orashon i prepará bon. Pidi Yehova yuda bo pa bo no konsentrá riba bo mes, sino riba bo mensahe. Sòru pa bo tin e ideanan prinsipal ku bo ke transmití bon kla den bo mente. Ekspresá nan ku bo mes palabra i no djis lesa palabra pa palabra loke tin riba papel.

Si bo tin pensá di lesa for di Beibel òf un otro publikashon, familiarisá bo mes ku e pasashi ku bo tin ku lesa pa asina bo por lesa vlòt. Si bo tin ku sita loke un hende a bisa, lesa ku sintimentu ma no sea muchu teatral.
Papia di kurason. Pensa pakiko ta importante pa bo oyentenan skucha e mensahe. Enfoká riba nan. E ora ei bo postura, bo gestonan i bo ekspreshon di kara lo reflehá sinseridat i kariño.

Papia natural no ke men papia kon-ku-ta. Mantené e dignidat di bo mensahe i papia na un manera kla i sigui regla di gramátika.
Wak bo oyentenan. Bo por wak hende den nan kara ora bo ta papia ku nan. Ora bo ta duna un diskurso, kada bes wak un persona en bes di wak henter e grupo pareu òf djis move bo wowonan bai bini.