REBISHITA
LÈS 9
Mustra Empatia
Prinsipio di Beibel: “Alegrá ku esnan ku ta alegrá; yora ku esnan ku ta yora.”—Rom. 12:15.
Loke Hesus A Hasi
1. Wak e VIDIO òf lesa Marko 6:30-34. Despues, analisá e siguiente preguntanan:
Dikon Hesus i su apòstelnan tabata ke ta nan so?
Kiko a motivá Hesus pa siña e multitut di hende?
Kiko Nos Por Siña for di Hesus?
2. Empatia ta pone ku nos ta sinti pa hende. Nos no ke enfoká riba nos mensahe so.
Imitá Hesus
3. Skucha bon. Permití un persona ekspresá su mes. No interumpié. Tene kuenta ku su sintimentunan, su preokupashonnan i su opheshonnan. Ora nos ta presta atenshon na loke un hende ta bisa, nos ta lag’é sa ku nos ta interesá den loke e ta pensa.
4. Pensa riba kada persona ku mustra interes. Basá riba e kòmbersashonnan ku bo tabatin ku un persona ku a mustra interes, puntra bo mes:
‘Kon e bèrdat por yud’é?’
‘Kon un estudio di Beibel lo yud’é awor i den futuro?’
5. Papia tokante e kosnan ku por yuda un persona. Manera un oportunidat presentá, mustra un persona ku a mustra interes kon un estudio di Beibel por kontestá e preguntanan ku e tin i yud’é den su bida.