‘Nos Mester di Hende Onrado’

ONRADES ta algu excepcional den e mundu djawe. Sin embargo, e ta un rekisito básico pa cristiannan. Pablo a skirbi: “Nos ta deseá na comportá nos mes onradamente den tur cos.” (Hebreonan 13:18) Esaki ta loke Wilma, un Testigo di Jehova na Faenza, Italia, kier a haci.

E corant Il Resto del Carlino ta conta cu ora Wilma a haña un potmoni conteniendo un suma grandi di placa pafó di un supermercado den su stad, el a entregu’é na polis “sin vacilá” di manera cu e por a ser debolbé na su doño.

Ora e alcalde a tende di esaki, mesora el a manda un nota breve di gradicimentu pa Wilma. “Na nomber dje Stad,” el a skirbi, “mi ta gradicí bo di curason pa bo gesto excelente. Nos stad noble di Faenza mester di hende bon i onrado.”

Sea bon accionnan ta bira conocí of no, semper nos mester haci esfuerso pa ta onrado. Manera e Scritura Santu ta exhortá, “nos ta trata na haci loke ta corecto no solamente den bista di Dios sino tambe den bista di hende.”—2 Corintionan 8:21, The Jerusalem Bible.