Kiko Beibel Ta Bisa?

Ken òf kiko Diabel ta?

KIKO LO BO KONTESTÁ? Diabel ta . . .

• Un spiritu?

• E maldat ku tin den hende?

• Algu ku hende ta imaginá?

LOKE BEIBEL TA BISA

Diabel a papia ku Hesus i “a purba di hink’é den tentashon.” (Mateo 4:1-4) Pues, Diabel no ta algu ku nos ta imaginá nos ni e no ta e maldat ku tin den hende. E ta un spiritu, òf angel, malbado.

KIKO MAS NOS POR SIÑA FOR DI BEIBEL?

• Originalmente Diabel tabata un angel santu, pero “e no a keda firme den e bèrdat.” (Huan 8:44) El a bira un gañadó i a rebeldiá kontra Dios.

• Otro angelnan tambe a djòin Satanas den su rebelion.—Revelashon 12:9.

• Diabel ta siega hopi hende pa nan kere ku e no ta eksistí di bèrdat.—2 Korintionan 4:4.

Diabel por tin kontrol riba hende?

ALGUN HENDE TA BISA ku no ta bèrdat ku Diabel por tin kontrol riba hende, miéntras ku otronan tin miedu pa spiritunan malbado poderá di nan. Kiko abo ta pensa?

LOKE BEIBEL TA BISA

“Henter mundu ta den poder di e Malbado.” (1 Huan 5:19) Sí, Diabel tin hopi influensia riba humanidat, pero e no tin kontrol riba tur hende.

KIKO MAS NOS POR SIÑA FOR DI BEIBEL?

• Diabel ta usa mentira pa ehersé mas influensia riba hende.—2 Korintionan 11:14.

• Den algun kaso spiritunan malbado por poderá di hende.—Mateo 12:22.

• Ku yudansa di Dios, bo por “oponé Diabel” ku éksito.—Santiago 4:7.