Alegrando cu e Aumento cu Dios Ta Duna
1 Cristiannan den e promé siglo tabata predicadornan celoso di Reino. Nan a alegrá ora e ‘congregacionnan a aumentá na cantidad dia tras dia.’ (Echo. 16:5) Nan predicacion cu curashi a expandé te den Asia, Europa i Africa, resultando den un cosecha ricu di creyente.
2 Jesus a profetisá cu den e último dianan, e trabou di predicá lo a yega den ‘tur e tera habitá i den tur nacion’! (Mat. 24:14) Durante e aña di sirbishi di 1996, nos a sigui ricibí informenan di aumentonan maraviyoso i máximonan nobo di publicador for di paisnan rond mundu. Hopi congregacion nobo a ser formá. E crecementu rápido aki a haci necesario pa construí cientos di Salon di Reino i Salon di Asamblea nobo i tambe pa expandé vários edificio di sucursal.
3 Nos Ministerio di Reino di augustus 1996 a informá dje trabou extenso di construccion cu ta tumando lugá na Africa. Actividad similar ta andando rond Latinoamérica. Pa e aña di sirbishi di 1996, México ta raportá un máximo asombroso di 470.098 publicador i un averahe di 600.751 studio di Bijbel, haciendo necesario pa forma 466 congregacion nobo! E expansion di nan sucursal ta programá pa caba banda di fin di 1999. Crecementu similar den hopi otro pais ta pone cu mester sigui ketu bai cu e vários tipo di proyectonan di construccion teocrático.
4 Gastunan di construccion ta haltu tur caminda, i nos rumannan den hopi pais tin poco pa contribuí cuné materialmente. Sin embargo, teniendo gran celo pa e sirbishi di Jehova, nan siguramente ta creciendo spiritualmente i aumentando na gran cantidad. Proverbionan 28:27 ta sigurá nos cu “esun cu ta dunando na esun di poco recurso lo no pasa necesidad.” Nos buena gana pa yuda percurá p’e gastunan di construccion dje rumannan aki ta resultá den un “igualacion” di cosnan material, haciendo posibel pa tur ruman experenciá e felicidad cu ta bini cu dunamentu i e goso cu ta bini di mira e aumento cu Jehova ta duna!—2 Cor. 8:14, 15; Echo. 20:35.
[Picture on page 4, 5]
Sucursal di Paraguay
[Picture on page 4]
Sucursal di Ecuador
[Picture on page 4, 5]
Extension di México den Construccion
[Picture on page 4, 5]
Sucursal di República Dominicana
[Picture on page 4]
Sucursal di Brazil cu Extension
[Picture on page 4, 5]
Sucursal di Uruguay den Construccion
[Pictures on page 5]
Típico Salonnan di Reino económico na Latinoamérica
1. Brazil
2. Nicaragua
3. Chile
4. Colombia
5. México
6. Brazil
7. Perú
8. Venezuela
9. México